കൊച്ചി: തീവ്രപ്രകാശം പുറത്ത് വിടുന്ന ലൈറ്റുകള്‍ വാഹനങ്ങളില്‍ നിന്നും ഈ മാസം തന്നെ നീക്കം ചെയ്യണമെന്ന് മോട്ടോര്‍ വാഹന വകുപ്പ്. ജനുവരി 31 നകം നീക്കം ഇത്തരം ലൈറ്റുകള്‍ നീക്കം ചെയ്യാത്ത വാഹനങ്ങളുടെ ഫിറ്റ്‌നസ് പെര്‍മിറ്റും, ലൈസന്‍സും റദ്ദാക്കാനാണ് തീരുമാനം.
അനധികൃതമായി സ്ഥാപിക്കുന്ന ഇത്തരം ലൈറ്റുകളിലെ പ്രകാശം എതിരേ വരുന്ന വാഹനങ്ങളിലെ ഡ്രൈവര്‍മാരുടെ കാഴ്ച മറയ്ക്കുന്നത് കാരണമുള്ള അപകടങ്ങള്‍ പതിവായതോടെയാണ് മോട്ടോര്‍ വാഹന വകുപ്പിന്റെ ഈ നടപടി. അമിതമായ വെളിച്ചം ഡ്രൈവറുടെ കണ്ണിലെത്തുന്നതോടെ കുറച്ച് സെക്കന്റുകള്‍ കാഴ്ചയില്ലാത്ത അവസ്ഥ ഉണ്ടാവുന്നതായും ഇത് കൂട്ടിയിടിക്ക് കാരണമാവുകയും ചെയ്യാറുണ്ട്.
എച്ച്‌ഐഡി ലൈറ്റുകളുമായി നിരത്തിലിറങ്ങുന്ന വാഹനങ്ങളെ പിടികൂടാന്‍ എല്ലാ ജില്ലകളിലുമുള്ള ആര്‍ടിഒമാര്‍ക്കും ഡപ്യൂട്ടി ട്രാന്‍സ്‌പോര്‍ട്ട് കമ്മീഷണര്‍മാര്‍ക്കും നിര്‍ദ്ദേശം നല്‍കിയിട്ടുണ്ട്. വാഹനങ്ങളിലെ ബഹുവര്‍ണ്ണ എല്‍ഇഡി ലൈറ്റുകള്‍ നീക്കം ചെയ്യണമെന്ന് ഹൈക്കോടതിയും കഴിഞ്ഞ ദിവസം ഉത്തരവിറക്കിയിരുന്നു. യാത്രക്കാരുടെ ആരോഗ്യത്തിന് ഇത്തരം വെളിച്ചങ്ങള്‍ ഹാനികരമായതിനാലാണ് നീക്കം ചെയ്യാന്‍ ആവശ്യപ്പെടുന്നതെന്നും കോടതി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
