കൊച്ചി: വടക്കന്‍ പറവൂരില്‍ നടന്‍ ദിലീപ് കയ്യേറിയതെന്ന് ആരോപണമുള്ള ഭൂമിയില്‍ സിപിഎമ്മിന്റെ നേതൃത്വത്തില്‍ കൊടി നാട്ടി. ഇന്നു രാവിലെയാണ് ഏതാനും പ്രവര്‍ത്തകരെത്തി ഭൂമിയില്‍ കൊടി നാട്ടിയത്. ഈ ഭൂമി ഏറ്റെടുക്കണമെന്നാണ് ഇവരുടെ ആവശ്യം.
വടക്കന്‍ പറവൂര്‍ കരുമാലൂരിലാണ് ഒരേക്കറിലധികം പുഴ പുറമ്പോക്ക് ദിലീപ് കൈയേറിയതായി ആരോപണം ഉയര്‍ന്നിരിക്കുന്നത്. റവന്യു ഉദ്യോഗസ്ഥരുടെ ഒത്താശയോടെയാണ് കൈയ്യേറ്റമെന്ന് ആക്ഷേപമുണ്ട്.
ദിലീപിന്റെയും മഞ്ജു വാര്യരുടെയും പേരില്‍ എട്ടുവര്‍ഷം മുന്‍പാണ് കരുമാലൂര്‍ കാരയ്ക്കാതുരുത്തില്‍ രണ്ടേക്കറോളം സ്ഥലം വാങ്ങിയത്. ഈ സ്ഥലത്തോടു ചേര്‍ന്നു കിടന്നിരുന്ന ഒരേക്കറിലധികം പുറമ്പോക്ക് ദിലീപ് കൈയേറിയെന്നാണ് ആക്ഷേപം. കൈയേറ്റത്തിന് ഒത്താശ ചെയ്ത റവന്യു ഉദ്യോഗസ്ഥര്‍ക്കെതിരെ നടപടി സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
