കൊച്ചി: നടി ആക്രമിക്കപ്പെട്ട കേസില്‍ അന്വേഷം ശരിയായ ദിശയിലാണ് പുരോഗമിക്കുന്നതെന്ന് പൊലീസ് മേധാവി ലോക്‌നാഥ് ബഹ്‌റ. ഗൂഢാലോചനകേസില്‍ 90 ദിവസത്തിനകം കുറ്റപത്രം സമര്‍പ്പിക്കുകയാണ് ലക്ഷ്യമെന്നും ഡിജിപി വ്യക്തമാക്കി. എത്രയും വേഗം കുറ്റപത്രം സമര്‍പ്പിക്കുമെന്ന് പൊലീസ് നേരത്തെ വ്യക്തമാക്കിയിരുന്നു.
നടിയെ ആക്രമിച്ച് അപകീര്‍ത്തികരമായ ദൃശ്യങ്ങള്‍ പകര്‍ത്താന്‍ പള്‍സര്‍ സുനിയും ദിലിപുമായി ചേര്‍ന്ന് വിവിധ സ്ഥലങ്ങളിലായി ഗൂഢാലോചന നടത്തിയെന്നാണ് കേസ്. കേസില്‍ പതിനൊന്നാം പ്രതിയായ ദിലീപ് രണ്ടാം പ്രതിയാകുമെന്നുമാണ് പൊലീസ് പറയുന്നത്. കേസിലെ നിര്‍ണായക തെളിവായ ദൃശ്യം പകര്‍ത്തിയ മൊബൈല്‍ ഫോണ്‍ പൊലീസിന് കണ്ടെത്താനായിട്ടില്ല. മൊബൈല്‍ ഫോണ്‍ കണ്ടെത്താനാകുമെന്ന പ്രതീക്ഷയിലാണ് പൊലീസ്. കേസില്‍ 13 പ്രതികളാണ് ഉള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
