കൊച്ചി: മരടിലെ ഫ്ളാറ്റ് പൊളിക്കലുമായി ബന്ധപ്പെട്ട് പുനരധിവാസ നടപടികളുമായി മുന്നോട്ടുപോകാന് നഗരസഭാ തീരുമാനം. ചൊവ്വാഴ്ച മൂന്നുമണിക്ക് മുന്പ് പുനരധിവാസം ആവശ്യമുള്ളവര് അപേക്ഷ നല്കണം. അപേക്ഷ നല്കാത്തവരെ പുനരധിവസിപ്പിക്കില്ലെന്ന് മുന്നറിയിപ്പ്നല്കി. ഇതുമായി ബന്ധപ്പെട്ട് ഫ്ളാറ്റുകളില് നോട്ടീസ് പതിച്ചു. നോട്ടീസ് പതിച്ചതില് പ്രതിഷേധിച്ച് ഫ്ളാറ്റ് ഉടമകള് പ്രതിഷേധിക്കുന്നു.
ഉടമകള്ക്ക് ഒഴിയാനുള്ള സമയ പരിധി ഇന്നലെ അര്ധരാത്രിയോടെ അവസാനിച്ചിരുന്നു. നഗരസഭയുടെ ഒഴിപ്പിക്കല് നോട്ടീസിനെതിരെ ഫ്ളാറ്റ് ഉടമകള് ഹൈക്കോടതിയില് ഹര്ജി നല്കി. നോട്ടീസ് നിയമാനുസൃതം അല്ലെന്ന് ചൂണ്ടിക്കാട്ടിയാണ് ഹര്ജി. ഒഴിഞ്ഞുപോകുന്നവരെ എവിടെ മാറ്റിപാര്പ്പിക്കും എന്നതില് ഇപ്പോഴും ആശയക്കുഴപ്പം തുടരുകയാണ്. വിഷയം ചര്ച്ച ചെയ്യാന് മുഖ്യമന്ത്രി വിളിച്ച സര്വകക്ഷിയോഗം നാളെ തിരുവനന്തപുരത്ത് ചേരും.അഞ്ച് ഫ്ളാറ്റുകളില് ഗോള്ഡന് കായലോരം ഫ്ളാറ്റ് ഉടമകള് മാത്രമാണ് ഒഴിയില്ലെന്ന് കാണിച്ച് നഗരസഭയുടെ നോട്ടീസിന് മറുപടി നല്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
