ശബരിമല സമരം നീതി നിഷേധം; യുവതീ പ്രവേശനത്തെ സ്വാഗതം ചെയ്ത് സിദ്ധരാമയ്യ 

ബംഗലുരു: ശബരിമലയിലെ യുവതീപ്രവേശനത്തെ സ്വാഗതം ചെയ്ത് കര്‍ണാടകയിലെ കോണ്‍ഗ്രസ് നിയമസഭാ കക്ഷിനേതാവും മുന്‍ മുഖ്യമന്ത്രിയുമായ സിദ്ധരാമയ്യ. വിധിയെ എതിര്‍ക്കുന്ന ബിജെപി സാമൂഹിക നീതി നിഷേധമാണ് നടത്തുന്നത്. മുത്തലാഖ് വിഷയത്തിലെ കോടതി നടപടിയെ സ്വീകരിച്ച ബിജെപി ശബരിമലയില്‍ സ്ത്രീകളുടെ പ്രവേശനം  തടയുന്നത് അവകാശലംഘനമാണ് എന്നും അദ്ദേഹം ചൂണ്ടിക്കാട്ടി. 

കേരളത്തില്‍ കോണ്‍ഗ്രസ് സ്ത്രീപ്രവേശനത്തിനെതിരായ നിലപാട് സ്വീകരിക്കുമ്പോഴാണ് ദേശീയതലത്തില്‍ നിന്നും അനുകൂല സ്വരങ്ങളുണ്ടാവുന്നത് എന്നത് ശ്രദ്ധേയമാണ്. നേരത്തേ കോണ്‍ഗ്രസ് അധ്യക്ഷന്‍ രാഹുല്‍ഗാന്ധിയും സുപ്രിംകോടതി വിധിയെ അനുകൂലിച്ച് രംഗത്തെത്തിയിരുന്നു.