കൊച്ചി: ശബരിമല ദര്ശനത്തിന് എത്തിയ മനിതി പ്രവര്ത്തകരെ നിലയ്ക്കലില്നിന്നു പമ്പയിലേക്കു സ്വകാര്യ വാഹനത്തില് കടത്തിവിട്ട പൊലീസ് നടപടിക്കെതിരെ ഹൈക്കോടതി. കോടതി നിര്ദേശത്തിന്റെ ലംഘനമാണ് പൊലീസ് നടത്തിയതെന്ന് ഹൈക്കോടതി കുറ്റപ്പെടുത്തി.
നിലയ്ക്കലിനപ്പുറത്തേക്കു സ്വകാര്യ വാഹനങ്ങള് കടത്തിവിടുന്നത് കോടതി തടഞ്ഞിട്ടുണ്ട്. ഇതിന്റെ ലംഘനമാണ് പൊലീസിന്റെ ഭാഗത്തുനിന്നുണ്ടായത്. നിലയ്ക്കലില്നിന്നു പമ്പയിലേക്കു മനിതി പ്രവര്ത്തകരുമായി വന്ന വാഹനം കടത്തിവിട്ട നടപടി വിവേകശൂന്യതയാണെന്ന് ഹൈക്കോടതി വിമര്ശിച്ചു. ഇക്കാര്യത്തില് പൊലീസ് വിശദീകരണം നല്കണമെന്ന് കോടതി ആവശ്യപ്പെട്ടു.
മനിതി പ്രവര്ത്തകരുടെ വാഹനം കടത്തിവിട്ട നടപടിയെ നേരത്തെ, കോടതി നിയോഗിച്ച മേല്നോട്ട സമിതി വിമര്ശിച്ചിരുന്നു. ഇക്കാര്യത്തില് ഹൈക്കോടതിക്കു റിപ്പോര്ട്ട് നല്കുമെന്നും സമിതി വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
