കോഴിക്കോട്: കോഴിക്കോട് മെഡിക്കല്‍ കോളെജില്‍ പനി ബാധിച്ച് കഴിഞ്ഞ ദിവസം പേരാമ്പ്ര സ്വദേശി മരണമടഞ്ഞത് നിപ്പ ബാധയേറ്റല്ലെന്ന് ആരോഗ്യ വകുപ്പ്. എച്ച് വണ്‍ എന്‍ വണ്‍ പനി ബാധിച്ചാണ് മുജീബ് മരിച്ചതെന്ന് പരിശോധനയില്‍ തെളിഞ്ഞതായി ജില്ലാ മെഡിക്കല്‍ ഓഫീസര്‍ അറിയിച്ചു. മുജീബിന്റെ ഭാര്യയും മറ്റ് കുടുംബാംഗങ്ങളും ചികിത്സ തേടിയിട്ടുണ്ട്.
നിപ്പയാണ് മരണകാരണമെന്ന തരത്തില്‍ സമൂഹ മാധ്യമങ്ങളില്‍ പ്രചരണം ശക്തമായതോടെയാണ് മെഡിക്കല്‍ ഓഫീസര്‍ വിശദീകരണവുമായി എത്തിയത്. മണിപ്പാല്‍ വൈറോളജി ഇന്‍സ്റ്റിറ്റിയൂട്ടിലാണ് പരിശോധന പൂര്‍ത്തിയാക്കിയത്. ഊഹാപോഹങ്ങളില്‍ ആശങ്കപ്പെടരുതെന്നും ആരോഗ്യവകുപ്പ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
