മോദിയെ കൊലയാളിയെന്നു വിളിച്ചു, സക്കറിയയെ കൈകാര്യം ചെയ്യുമെന്ന് ബിജെപി; പൊലീസില്‍ പരാതി, വക്കീല്‍ നോട്ടീസ്
തൃശൂര്‍: പ്രധാനമന്ത്രി നരേന്ദ്രമോദിയെ കൊലയാളിയെന്ന് വിളിച്ച സാഹിത്യകാരന്‍ സക്കറിയയെ കൈകാര്യം ചെയ്യാന്‍ മടിക്കില്ലെന്ന് ബിജെപി. സക്കറിയക്കെതിരെ പൊലീസില്‍ പരാതി നല്‍കിയിട്ടുണ്ടെന്നും വക്കീല്‍ നോട്ടീസ് അയച്ചതായും ബിജെപി സംസ്ഥാന സെക്രട്ടറി അഡ്വ. ബി ഗോപാലകൃഷ്ണന്‍ പറഞ്ഞു.
പാലക്കാട് തസ്രാക്കില് തപസ്യ സംഘടിപ്പിച്ച ഒ വി വിജയന്‍ അനുസ്മരണ പരിപാടിയിലാണ് പ്രധാനമന്ത്രി കൊലയാളിയാണെന്ന് സക്കറിയ പ്രസംഗിച്ചത്. കൊലയാളിയായ നരേന്ദ്രമോദി അവാര്‍ഡ് തന്നാല്‍ താന്‍ സ്വീകരിക്കില്ലെന്നായിരുന്നു സക്കറിയുടെ പരാമര്‍ശം. ഇതേ പ്രസംഗത്തില്‍ ഒവി വിജയന്‍ മൃദുഹിദുത്വവാദിയാണെന്നു സക്കറിയ പറഞ്ഞത് വിവാദമായിരുന്നു.
പ്രധാനമന്ത്രിക്കെതിരായ പരാമര്‍ശത്തിനെതിരെ തൃശൂര്‍ വെസ്റ്റ് സിഐക്കു പരാതി നല്‍കിയിട്ടുണ്ടെന്ന് ഗോപാലകൃഷ്ണന്‍ പറഞ്ഞു. നടപടിയുണ്ടായില്ലെങ്കില്‍ കോടതിയെ സമീപിക്കും. പരാമര്‍ശം പിന്‍വലിച്ചില്ലെങ്കില്‍ സക്കറിയയെ കൈകാര്യം ചെയ്യാന്‍ മടിക്കില്ലെന്ന് ബി.ഗോപാലകൃഷ്ണന്‍ പറഞ്ഞു.
കടുത്ത വര്‍ഗീയവാദിയായ സക്കറിയ എന്തടിസ്ഥാനത്തിലാണ് മറ്റുളളവരെ വിമര്‍ശിക്കുന്നതെന്നു ഗോപാലകൃഷ്ണന്‍ ചോദിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
