തിരുവനന്തപുരം: സംസ്ഥാനത്ത് വിവിധയിടങ്ങളിലായി റെയില്‍വേട്രാക്കില്‍ അറ്റകുറ്റപ്പണികള്‍ നടക്കുന്നതിനാല്‍ ട്രെയിനുകള്‍ വൈകുമെന്ന് റെയില്‍വേ അറിയിച്ചു. കൊല്ലം ജില്ലയിലെ പെരിനാട് സ്റ്റേഷന്‍ പരിധിയില്‍ അറ്റകുറ്റപ്പണികള്‍ പുരോഗമിക്കുന്നതിനാല്‍ 11-ാം തിയതി വരെ ട്രെയിനുകള്‍ വൈകിയാവും സര്‍വ്വീസ് നടത്തുക.
ഇന്ന് രാത്രി പുറപ്പെടേണ്ട തിരുവനന്തപുരം- മംഗലാപുരം എക്‌സ്പ്രസ് ഒരു മണിക്കൂറും അമൃത എക്‌സ്പ്രസ് രാത്രി 11 നുമാകും സര്‍വ്വീസ് ആരംഭിക്കുക. രാത്രി 9.20 നുള്ള കൊച്ചുവേളി അന്ത്യോദയ എക്‌സ്പ്രസ് ഒരു മണിക്കൂര്‍ വൈകും. പാലക്കാട് -തിരുനല്‍വേലി എക്‌സ്പ്രസ് രണ്ട് മണിക്കൂര്‍ 40 മിനിറ്റും ചെന്നൈ എഗ്മോര്‍, മാവേലി, കന്യാകുമാരി-ദിബ്രുഗഡ് വിവേക് എക്‌സ്പ്രസ്, കൊച്ചുവേളി- ലോക്മാന്യക് , തിരുവനന്തപുരം- ഹസ്രത്‌നിസാമുദ്ദീന്‍, മുംബൈ സിഎസ്ടി എക്‌സ്പ്രസുകള്‍ മൂന്ന് മണിക്കൂര്‍ വരെ വൈകുമെന്നും റെയില്‍വേ അറിയിച്ചു.
കൊല്ലം- ആലപ്പുഴ , ആലപ്പുഴ -കൊല്ലം പാസഞ്ചറുകള്‍ 11 -ാം തിയതി വരെ റദ്ദാക്കിയിട്ടുണ്ട്. ആലപ്പുഴ വഴി പോകുന്ന എറണാകുളം - കൊല്ലം മെമു, കോട്ടയം വഴിയുള്ള എറണാകുളം- കൊല്ലം പാസഞ്ചര്‍ എന്നിവ കായംകുളത്ത് യാത്ര അവസാനിപ്പിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
