റേഷന്‍ മണ്ണെണ്ണയും ഇനി പൊള്ളും ; ഒറ്റയടിക്ക് കൂട്ടിയത് ലിറ്ററിന് ഒമ്പതു രൂപ

തിരുവനന്തപുരം  റേഷന്‍കടകള്‍ വഴി വിതരണംചെയ്യുന്ന മണ്ണെണ്ണയുടെ വില ഒറ്റയടിക്ക് വര്‍ധിപ്പിച്ചു. ലിറ്ററിന് ഒമ്പതുരൂപയാണ് കൂട്ടിയത്. ഇതോടെ ലിറ്ററിന് 20 രൂപ വിലയുണ്ടായിരുന്ന മണ്ണെണ്ണയ്ക്ക് 29 രൂപയാണ് പുതിയ നിരക്ക്. ക്രൂഡ്ഓയില്‍ വില ഉയര്‍ന്ന സാഹചര്യത്തിലാണ് കേന്ദ്രം മണ്ണെണ്ണ വില ഉയര്‍ത്തിയത്.

പെട്രോളിനും ഡീസലിനും തുടര്‍ച്ചയായി വിലകൂട്ടിയിട്ടും മണ്ണെണ്ണവില മാറ്റമില്ലാതെ തുടരുകയായിരുന്നു. ഇ-പോസ് യന്ത്രത്തില്‍ വിവരമെത്തിയപ്പോള്‍ മാത്രമാണ് വിലകൂടിയതറിയുന്നതെന്ന് വ്യാപാരികള്‍ പറഞ്ഞു. നിലവില്‍ വൈദ്യുതീകരിച്ച വീടുകള്‍ക്ക് കാര്‍ഡിന് അരലിറ്ററും വൈദ്യുതീകരിക്കാത്ത വീടുകള്‍ക്ക് നാലുലിറ്ററുമാണ് മണ്ണെണ്ണ കിട്ടുന്നത്.