തിരുവനന്തപുരം: ഫോണ്‍കെണിയില്‍ പ്രതിഷേധിച്ച് വനിതാ മാധ്യമപ്രവര്‍ത്തകര്‍ നടത്തിയ പ്രതിഷേധത്തിന് ഡെല്‍ഹി പത്രപ്രവര്‍ത്തക യൂണിയന്റെ ഐക്യദാര്‍ഢ്യം. ഡെല്‍ഹി ഘടകം പ്രസിഡന്റ് പ്രശാന്ത് രഘുവംശവും സെക്രട്ടറി എം പ്രശാന്തുമാണ് മാധ്യമപ്രവര്‍ത്തകരുടെ പ്രതികരണങ്ങള്‍ക്കും പ്രതിഷേധത്തിനും ഐക്യദാര്‍ഢ്യമര്‍പ്പിച്ചത്.
മുന്‍ മന്ത്രി എകെ ശശീന്ദ്രന്റെ രാജിയിലേക്ക് നയിച്ച ഫോണ്‍ വിവാദത്തില്‍ പ്രതിഷേധിച്ച് വനിതാ മാധ്യമപ്രവര്‍ത്തകര്‍ മംഗളം ചാനലിനെതിരെ പ്രതിഷേധത്തിലാണ്. മംഗളത്തില്‍ വന്ന ബ്രേക്കിങ് ന്യൂസിന്റെ പേരില്‍ കേരളത്തിലെ വനിതാ മാധ്യമപ്രവര്‍ത്തകര്‍ ഉള്‍പ്പെടെയുള്ളവര്‍ അവഹേളിക്കപ്പെടുകയാണെന്ന് ചൂണ്ടിക്കാണിച്ചാണ് പ്രതിഷേധം.
തിരുവനന്തപുരത്തും കൊച്ചിയിലും കോഴിക്കോടും വനിതാ മാധ്യമ പ്രവര്‍ത്തകരുടെ നേതൃത്വത്തില്‍ പ്രതിഷേധ പ്രകടനങ്ങള്‍ നടന്നു. നിരവധി ആളുകള്‍ പ്ലക്കാര്‍ഡുകളടങ്ങിയ ഫോട്ടോ പോസ്റ്റ് ചെയ്ത് സോഷ്യല്‍ മീഡിയ വഴിയും പ്രതികരിക്കുന്നുണ്ട്. നെറ്റ് വര്‍ക്ക് ഓഫ് വിമന്‍ ഇന്‍ മീഡിയയുടെ ആഭിമുഖ്യത്തിലായിരുന്നു തിരുവനന്തപുരത്ത് പ്രതിഷേധം നടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
