സെനറ്റിലേക്കുള്ള പ്രതിനിധികളെ ഒഴിവാക്കി; ​ഗവർണർ ആർഎസ്എസ് സമ്മർദ്ദത്തിന് വഴങ്ങിയെന്ന് സിപിഎം

തിരുവനന്തപുരം: കേരള സർവകലാശാല സെനറ്റിലേക്കുള്ള സിപിഎം പ്രതിനിധികളെ ഗവർണർ പി സദാശിവം ഒഴിവാക്കിയതിൽ പ്രതിഷേധം. സിപിഎം നോമിനികളായ ഷിജുഖാനെയും അഡ്വ. ജി സുഗുണനെയുമാണ് ഗവർണർ ഒഴിവാക്കിയത്. 

ആർഎസ്എസ് സമ്മർദ്ദത്തിന് വഴങ്ങിയാണ് ഇവരെ ഒഴിവാക്കിയതെന്ന് സിപിഎം ആരോപിച്ചു. സംഘപരിവാർ ആഭിമുഖ്യമുള്ളവരെയാണ് പകരം നിയമിച്ചു. ഗവർണറുടെ ചുമതല രാഷ്ട്രീയ താത്പര്യത്തിന് വിനിയോഗിച്ചു. സർവകലാശാല നൽകുന്ന പാനലിൽ നിന്ന് അംഗങ്ങളെ തിരഞ്ഞെടുക്കുന്ന കീഴ്‌വഴക്കം ലംഘിച്ചതായും സിപിഎം നേതൃത്വം കുറ്റപ്പെടുത്തി.