പൈലറ്റില്ലാ എയര് ടാക്സി (air taxi ) കളുടെ സർവീസ് ആരംഭിക്കാൻ അബു ദാബി ഒരുങ്ങുന്നു. ഇതുമായി ബന്ധപ്പെട്ട പരീക്ഷണ പറക്കലിന് തുടക്കമായി. പൈലറ്റില്ലാ എയര് ടാക്സികളുടെ പരീക്ഷണ പറക്കൽ ആധുനിക ഗതാഗത രംഗത്തെ രാജ്യത്തിന്റെ പ്രധാന ചുവടുവെപ്പാണ് എന്ന് അബുദാബി മീഡിയ ഓഫിസ് അറിയിച്ചു. സ്മാര്ട്ട് ആൻഡ് ഓട്ടോണമസ് സിസ്റ്റംസും (SASC) ചൈനീസ് ഡ്രോണ് നിര്മാതാക്കളായ ഇഹാങ്ങും ഫിന്ടെക് ഗ്രൂപ്പായ മള്ട്ടി ലെവല് ഗ്രൂപ്പുമായി സഹകരിച്ചാണ് എയർ ടാക്സികളുടെ പരീക്ഷണ പറക്കല് നടത്തിയത്.
അബുദാബിയിലെ വ്യത്യസ്ത കാലാവസ്ഥ സാഹചര്യങ്ങള് എയര് ടാക്സികള് എങ്ങനെ കൈകാര്യം ചെയ്യുന്നുവെന്ന് വിലയിരുത്തുകയായിരുന്നു പരീക്ഷണ പറക്കലിന്റെ പ്രധാന ഉദ്ദേശം.
ഭാവി ഗതാഗത സാങ്കേതിക വിദ്യയുടെ ആഗോള ഹബ്ബായി അബുദാബിയെയും യു.എ.ഇയെയും മാറ്റുന്നതിന് ഈ സഹകരണം പ്രാധാന്യമുള്ളതാണെന്ന് അബുദാബി ഇന്വെസ്റ്റ്മെന്റ് ഓഫിസ് ഡയറക്ടര് ജനറല് ബദര് അല് ഉലാമ പറഞ്ഞു.
പൈലറ്റില്ലാ എയര് ടാക്സികള് ഈ വര്ഷം അവസാനത്തോടെ അബുദാബിയില് അവതരിപ്പിക്കാനുള്ള ഒരുക്കത്തിലാണ് അധികൃതർ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates