യു എ ഇ: ഡ്രൈ​വ​റി​ല്ലാ ടാക്‌സികൾ ഉടൻ എത്തുന്നു, തൊഴിൽ നഷ്ടമാകുമെന്ന ഭീതിയിൽ ഇന്ത്യക്കാർ

ദുബൈ: ഡ്രൈ​വ​റി​ല്ലാ വാഹനങ്ങൾ ( driver less vehicle ) ഇനി യു എ ഇയുടെ റോഡുകൾ കീഴടക്കും. പരീക്ഷണയോട്ടം ഈ വർഷം അവസാനത്തോടെ ആരംഭിക്കും. ഇതുമായി ബന്ധപ്പെട്ട നടപടി ക്രമങ്ങൾ പൂർത്തിയാക്കിയതായി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) അ​റി​യി​ച്ചു.

വീ​റൈ​ഡ്, ഊ​ബ​ർ എ​ന്നീ ക​മ്പ​നി​ക​ളു​മാ​യി ഇതുമായി ബന്ധപ്പെട്ട ധാ​ര​ണ​പ​ത്രം ഒ​പ്പു​ ​വെച്ചു. ഊ​ബ​ർ ആ​പ് വ​ഴിയാകും പൈ​ല​റ്റ് പ്ര​വ​ർ​ത്ത​ന​ങ്ങ​ൾ ആരംഭിക്കുക. പരീക്ഷണയോട്ടത്തിന്റെ ആദ്യ ഘട്ടത്തിൽ സു​ര​ക്ഷ ഡ്രൈ​വ​ർ​മാ​രെ വാ​ഹ​ന​ങ്ങ​ളി​ൽ ഉ​ൾ​പ്പെ​ടു​ത്തും. പ​രീ​ക്ഷ​ണ​യോ​ട്ട​ത്തി​നു ശേ​ഷം 2026 മു​ത​ൽ പൂ​ർ​ണ​മാ​യും വാഹനങ്ങൾ നിരത്തിലിറക്കാനാണ് സർക്കാർ പദ്ധതി.

ഇ​ത്തി​ഹാ​ദ് എ​യ​ര്‍വേസിൽ 1500 ലേറെ തൊഴിലവസരങ്ങൾ തുറക്കുന്നു

ലോ​ക​ത്തെ ഏ​റ്റ​വും സ്മാ​ർ​ട്ടാ​യ ന​ഗ​ര​മാ​ക്കി ദു​ബൈ​യെ മാ​റ്റു​ക എ​ന്ന ലക്ഷ്യത്തിന്റെ ഭാഗമായി ആണ് പദ്ധതി നടപ്പാക്കുന്നത്. ഭാ​വി​യി​ലേ​ക്കു​ള്ള ഒ​രു സു​പ്ര​ധാ​ന ഗ​താ​ഗ​ത സം​വി​ധാ​ന​മാ​ണ് ​ ഓ​ട്ടോ​ണ​മ​സ് വാ​ഹ​ന​ങ്ങ​ളെ​ന്ന്​ ആ​ർ.​ടി.​എ ഡ​യ​റ​ക്ട​ർ ബോ​ർ​ഡ്​ ചെ​യ​ർ​മാ​നും ഡ​യ​റ​ക്ട​ർ ജ​ന​റ​ലു​മാ​യ മ​താ​ർ അ​ൽ താ​യ​ർ പ​റ​ഞ്ഞു.

ആ​ദ്യ ഘ​ട്ട​ത്തി​ൽ റോ​ഡ് മാ​പ്പി​ങ്, ഡേ​റ്റ ശേ​ഖ​ര​ണം, റൂ​ട്ട് സ്കാ​നി​ങ്​ എ​ന്നി​വ​ക്കാ​യി 60ല​ധി​കം വാ​ഹ​ന​ങ്ങ​ൾ വി​ന്യ​സി​ക്കും. എ​മി​റേ​റ്റി​ലു​ട​നീ​ളം 65 സോ​ണു​ക​ളി​ൽ പൈ​ല​റ്റ് പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​മെ​ന്നും അധികൃതർ അറിയിച്ചിരുന്നു. 2030 ൽ യു എ ഇയിലെ പൊതു ഗതാഗത സംവിധാനങ്ങളിലെ 25 ശതമാനത്തോളം ഡ്രൈവറില്ലാ വാഹനങ്ങളാക്കി മാറ്റാനാണ് സർക്കാർ ലക്ഷ്യം വെക്കുന്നത്.

വരുന്നു പൈലറ്റ് ഇല്ലാത്ത എയർ ടാക്സികൾ, പരീക്ഷണപറക്കൽ തുടങ്ങി ! (വീഡിയോ കാണാം )

അ​ബൂ​ദ​ബി​യി​ൽ ഊ​ബ​റും വീ​റൈ​ഡും ക​ഴി​ഞ്ഞ വ​ർ​ഷം അ​വ​സാ​നം സെ​ൽ​ഫ് ഡ്രൈ​വി​ങ്​ ടാ​ക്സി​ക​ളു​ടെ പ​രീ​ക്ഷ​ണ സേ​വ​നം ആ​രം​ഭി​ച്ചി​രു​ന്നു. എന്നാൽ ഈ മേഖലകളിൽ പണി എടുക്കുന്ന ടാക്സി ഡ്രൈവർമാർക്ക് നീക്കം തിരിച്ചടി ആകും. മലയാളികൾ ഉൾപ്പെടെ നിരവധിപ്പേരാണ് വിവിധ ടാക്സി കമ്പനികളിൽ ഡ്രൈവർമാരായി ജോലി ചെയുന്നത്.

നിലവിൽ 35,000 അധികം ആളുകളാണ് യു എ യിൽ ടാക്സി ഡ്രൈവർമാരായി ജോലി ചെയ്യുന്നുണ്ട് എന്നാണ് ഔദ്യോഗിക കണക്കുകൾ. ദുബൈയിൽ മാത്രം 12,000 വരെ ടാക്സി ഡ്രൈവേഴ്സ് ആണ് ഉള്ളത്. എന്നാൽ അതിൽക്കൂടുതൽ ആളുകൾ ഈ മേഖലയിൽ ജോലി ചെയ്യുന്നുണ്ട് എന്നാണ് അനൗദ്യോഗിക കണക്ക്. ഹൗസ് ഡ്രൈവർമാരായി ജോലി ചെയ്തു വരുന്നവരും കമ്പനി ഡ്രൈവർന്മാരായും നിരവധിപ്പേർ യു എ എയിൽ ഉണ്ട്.

പുതിയ സംവിധാനം വരുന്നതോടെ ഇവരുടെ തൊഴിൽ നഷ്ടമായേക്കുമെന്ന ഭയവും ആശങ്കയും ഇവർക്കുണ്ട്.

കനത്ത ചൂട്: തൊഴിലാളികൾക്ക് 'മധ്യാഹ്ന വിശ്രമം' നടപ്പിലാക്കി യുഎഇ