ഭീമൻ വായ, കൂർത്ത പല്ല്, നീണ്ട ഉടൽ, കണ്ടാൽ തന്നെ ഞെട്ടിപ്പോകും!; 'ചെകുത്താൻ മത്സ്യം' വൈറലാകുന്നു (ചിത്രങ്ങള്‍)

സിഡ്നി: മത്സ്യത്തൊഴിലാളിയുടെ വലയിൽ വിചിത്ര മത്സ്യം കുടുങ്ങി. ഭീമൻ വായും കൂർത്ത പല്ലുകളും നീണ്ട ഉടലുമുള്ള മത്സ്യത്തിന്റെ ചിത്രങ്ങൾ  സോഷ്യൽമീഡിയയിൽ വൈറലാകുന്നു. 

ഓസ്‌ട്രേലിയക്കാരായ നാറ്റ് ഇദൻ ഇസാക്ക് എന്ന മത്സ്യത്തൊഴിലാളിക്കാണ് ഈ ഭീകര മത്സ്യത്തെ കിട്ടിയത്. ഇദ്ദേഹം പങ്കുവച്ച ചിത്രത്തിലൂടെയാണ് ഈ മത്സ്യത്തെ കുറിച്ച് ലോകം അറിയുന്നത്.  വായ തുറന്ന മീനിന്റെ ചിത്രം കണ്ടാൽ പേടി തോന്നുമെന്നാണ് പലരും കുറിക്കുന്നത്. മൽസ്യത്തിന്റെ ചിത്രങ്ങൾ എടുത്ത ശേഷം ഇതിനെ കടലിലേക്ക് തന്നെ തിരികെ വിട്ടെന്നും തൊഴിലാളി പറയുന്നു.

വൂൾഫ് ഈൽ വിഭാഗത്തിൽപ്പെട്ട മത്സ്യമാണ് ഇതെന്ന് അഭിപ്രായവും ഉയരുന്നുണ്ട്. മുൻപും ഇവയെ കണ്ടിട്ടുണ്ടെന്നും.അ തീവ അപകടകാരികളായ മത്സ്യമാണ് ഇവയെന്നും നാറ്റ് വ്യക്തമാക്കി.