ബെയ്ജിങ്: ലോകത്തിലെ ഏറ്റവും ഉയരം കൂടിയ പാലം ഗതാഗതത്തിന് തുറന്നുകൊടുത്ത് ചൈന. ഹുവാജിയാങ് ഗ്രാന്ഡ് കാന്യണ് പാലമാണ് ലോകത്തെ ഏറ്റവും ഉയരം കൂടിയ പാലം. ഗുയിഷോ പ്രവിശ്യയിലെ മലയിടുക്കില് നിന്ന് 625 മീറ്റര് ഉയരത്തിലാണ് ഈ എന്ജിനിയറിങ് അത്ഭുതം. ചൈനയിലെ ഏറ്റവും ദുര്ഘടമായ ഭൂപ്രകൃതികളിലൊന്നിലാണ് ചൈന കണക്ടിവിറ്റി സാധ്യമാക്കിയത്.
ഹുവാജിയാങ് ഗ്രാന്ഡ് കാന്യണിന്റെ ഇരുവശങ്ങളിലും താമസിക്കുന്നവരുടെ യാത്രാസമയം കുറയ്ക്കാന് ഈ പാലം സഹായകമായി. നേരത്തെ ഒരു വശത്ത് നിന്ന് അപ്പുറത്തേയ്ക്ക് പോകാന് യാത്രാസമയമായി രണ്ടുമണിക്കൂര് എടുത്തിരുന്നു. പുതിയ പാലം വന്നതോടെ ഇത് രണ്ട് മിനിറ്റ് ആയി കുറഞ്ഞെന്നും റിപ്പോര്ട്ടുകള് വ്യക്തമാക്കുന്നു.
മേഘങ്ങളാല് മൂടപ്പെട്ട നീല സപ്പോര്ട്ട് ടവറുകളുള്ള കൂറ്റന് പാലത്തിലൂടെ വാഹനങ്ങള് കടന്നുപോകുന്ന ദൃശ്യങ്ങള് പുറത്തുവന്നിട്ടുണ്ട്. ലോകത്തിലെ ഏറ്റവും ഉയരം കൂടിയ പാലത്തിന് പുറമേ പര്വതപ്രദേശത്ത് നിര്മ്മിച്ച ഏറ്റവും വലിയ സ്പാന് പാലവും കൂടിയാണ് ഹുവാജിയാങ് ഗ്രാന്ഡ് കാന്യണ് പാലം. ഗതാഗതത്തിന് മാത്രമല്ല, വിനോദ സഞ്ചാര കേന്ദ്രമായി മാറ്റാന് കൂടി ലക്ഷ്യമിട്ടാണ് പാലം നിര്മ്മിച്ചത്.
ദൂരക്കാഴ്ച സാധ്യമാക്കുന്ന 207 മീറ്റര് ലിഫ്റ്റ്, സ്കൈ കഫേകള്, താഴെയുള്ള മലയിടുക്കിന്റെ അതിശയിപ്പിക്കുന്ന കാഴ്ചകള് പ്രദാനം ചെയ്യുന്ന കാഴ്ചാ പ്ലാറ്റ്ഫോമുകള് എന്നിവ ഇതില് ഉള്പ്പെടുന്നു. പാലം മൊത്തം 2,900 മീറ്റര് നീളത്തില് വ്യാപിച്ചുകിടക്കുന്നു. പ്രധാന സ്പാന് 1,420 മീറ്ററാണ്. കൂടാതെ മലയിടുക്കിന്റെ തറയില് നിന്ന് 625 മീറ്റര് ഉയരത്തിലാണ് പാലം സ്ഥിതി ചെയ്യുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
