മുൻഭർത്താവിനെ വാട്സാപ്പിലൂടെ നിരന്തരം ചീത്തവിളിച്ചു; യുവതിക്ക് മൂന്ന് ദിവസത്തെ തടവുശിക്ഷ 

ജിദ്ദ: മുൻഭർത്താവിനെ വാട്സാപ്പിലൂടെ നിരന്തരം ചീത്തവിളിച്ച യുവതിക്ക് തടവ് ശിക്ഷ. അഞ്ച് വർഷം മുമ്പ് ബന്ധം വേർപിരിഞ്ഞ ഭർത്താവിനെയാണ് വാട്സാപ്പ്, സ്നാപ്പ് ചാറ്റ്, എംഎംഎസ് എന്നിവയിലൂടെ യുവതി നിരന്തരം അസഭ്യം പറഞ്ഞിരുന്നത്. 

‌വിവാഹശേഷം മുൻഭർത്താവ് തന്റെ കുടുംബാംഗങ്ങളെ ചീത്തവിളിച്ചിരുന്നുവെന്നും അതിനാലാണ് ഇത്തരത്തിൽ പെരുമാറിയതെന്നുമാണ് യുവതി നൽകിയ വിശദീകരണം. മൂന്ന് ദിവസത്തെ തടവാണ് യുവതിക്ക് ശിക്ഷവിധിച്ചത്. 

ജിദ്ദ ക്രിമിനൽ കോടതിയാണ് വിധി കൽപ്പിച്ചത്. കേസ് മധ്യസ്ഥതയിലൂടെ തീർക്കാൻ ശ്രമിച്ചെങ്കിലും പരാജയപ്പെട്ടതിനെത്തുടർന്നാണ് വിചാരണ പൂർത്തിയാക്കിയത്. മേലിൽ ഇത്തരം പ്രവർത്തികൾ ആവർത്തിക്കരുതെന്ന് യുവതിയിൽനിന്നും എഴുതി വാങ്ങുകയും ചെയ്തു.