റമദാന്‍ നാളില്‍ ഷോര്‍ട്ട്‌സ് ധരിച്ചതിന് ബസില്‍ വെച്ച് യുവതിയെ അടിച്ച് മറ്റൊരു യാത്രക്കാരന്‍. തുര്‍ക്കിയിലാണ് മതത്തിന്റെ പേരില്‍ പെണ്‍കുട്ടിക്കെതിരായ അതിക്രമം.
ബസ് ഒരു സ്റ്റോപ്പില്‍ നിര്‍ത്തിയതിന് ശേഷം എഴുന്നേറ്റ യുവാവ് സീറ്റില്‍ ഇരിക്കുകയായിരുന്ന യുവതിയുടെ മുഖത്ത് അടിക്കുകയായിരുന്നു. യുവതി തിരിച്ച് പ്രതികരിക്കാന്‍ ശ്രമിച്ചെങ്കിലും, യുവതിയെ തള്ളി താഴെയിട്ട് ഇയാള്‍ ബസില്‍ നിന്നും ഇറങ്ങി പോയി.
റമദാന്‍ നാളുകളില്‍ ഇതുപോലുള്ള വസ്ത്രം ധരിക്കാന്‍ നാണമില്ലേയെന്ന് ചോദിച്ചായിരുന്നു യുവതിയെ അയാള്‍ അടിച്ചത്. പിന്നീട് പൊലീസ് ഇയാളെ പിടികൂടി. യുവതി ഇറക്കം കുറഞ്ഞ ഷോര്‍ട്ട്‌സ് ധരിച്ചതാണ് തന്നെ പ്രകോപിപ്പിച്ചതെന്ന് ഇയാള്‍ പൊലീസിനോട് പറഞ്ഞു.
എന്നാല്‍ പൊലീസ് ഇയാളെ വെറുതെ വിട്ടതിനെതിരെ തുര്‍ക്കിയിലെ വനിതാ സംഘടനകള്‍ പ്രതിഷേധവുമായെത്തി. ഇതേ തുടര്‍ന്ന് യുവാവിനെ വീണ്ടും അറസ്റ്റ് ചെയ്യാന്‍ ഉന്നത ഉദ്യോഗസ്ഥര്‍ ഉത്തരവിട്ടിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
