കടുത്ത സാമ്പത്തിക പ്രതിസന്ധിയില്‍ ഉലയുന്ന പാകിസ്ഥാനില്‍ നിന്ന് ഞെട്ടിക്കുന്ന വാര്‍ത്തകളാണ് പുറത്തുവരുന്നത്. ഭക്ഷണ സാധനങ്ങള്‍ക്ക് വേണ്ടി ജനങ്ങള്‍ തെരുവില്‍ തിക്കിത്തിരക്കുന്ന വീഡിയോ സാമൂഹ്യ മാധ്യമങ്ങളിലൂടെ പുറത്തുവന്നു.
പെഷവാറില്‍ നിന്നുള്ളതാണ് ഈ വീഡിയോ. ഭക്ഷണ സാധനങ്ങള്‍ കൊണ്ടുവന്ന ലോറിക്ക് ചുറ്റും തിക്കി തിരിക്കുന്ന ആളുകളുെ വീഡിയോയില്‍ കാണാം.
ഭക്ഷണ സാധനങ്ങളുമായി പോവുകയായിരുന്ന വാഹനം നാട്ടുകാര്‍ തടഞ്ഞു നിര്‍ത്തുകയായിരുന്നു എന്നാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്.
കടുത്ത സാമ്പത്തിക പ്രതിസന്ധി നേരിടുന്ന പാകിസ്ഥാനില്‍ കഴിഞ്ഞ ദിവസം, പ്രധാനമന്ത്രി ഷെഹബാസ് ഷെരീഫ് റംസാന്‍ പാക്കേജ് പ്രഖ്യാപിച്ചിരുന്നു. സാമ്പത്തിക പ്രതിസന്ധി മറികടക്കാനായി ഐഎംഎഫിനെ സമീപിച്ചിരുന്നെങ്കിലും ലോണ്‍ വ്യവസ്ഥകളില്‍ തര്‍ക്കം തുടരുന്നതിനാല്‍ ഇതുവരെയും സഹായം ലഭിച്ചിട്ടില്ല. വിഷത്തില്‍ പാകിസ്ഥാന്‍ അമേരിക്കയുടെ സഹായം തേടിയിട്ടുണ്ട്.
ഈ വാര്‍ത്ത കൂടി വായിക്കൂ സൗദിയില്‍ ഉംറ തീര്‍ഥാടകര്‍ സഞ്ചരിച്ച ബസ് മറിഞ്ഞ് തീപിടിച്ചു; 20 മരണം, പരിക്കേറ്റവരിൽ ഇന്ത്യക്കാരും
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
