അബുദാബി: സ്കൂൾ ഫീസ് കുടിശ്ശിക വരുത്തിയ കുട്ടിയുടെ രക്ഷാകർത്താവിനെതിരെ നടപടി സ്വീകരിച്ചു അബുദാബി കോടതി. 16740 ദിർഹം പിഴയടക്കം സ്വകാര്യ സ്കൂളിന് നല്‍കാന്‍ പിതാവിന് നിര്‍ദേശം നല്‍കി അബൂദബി ഫാമിലി, സിവില്‍ ആന്‍ഡ് അഡ്മിനിസ്‌ട്രേറ്റിവ് കോടതി, ഫീസ് കുടിശ്ശികയായി 15,740 ദിര്‍ഹവും 1000 ദിര്‍ഹം പിഴയും നല്‍കാനാണ് കോടതി വിധി. വിദ്യാര്‍ഥിനിയുടെ സ്കൂൾ ഫീസ് കുടിശ്ശികയായ 15,740 ദിര്‍ഹവും നഷ്ടപരിഹാരമായി 3,142 ദിര്‍ഹവും നല്‍കണമെന്നാവശ്യപ്പെട്ടാണ് സ്കൂള്‍ അധികൃതർ കോടതിയെ സമീപിച്ചത്.
പണം നൽകുന്നത് വരെ ആ തുകയുടെ 12 ശതമാനം പലിശയും കോടതിച്ചെലവും കുട്ടിയുടെ പിതാവിൽ നിന്ന് ഈടാക്കണം എന്നുംസ്കൂൾ ആവശ്യപെട്ടിരുന്നു. എന്നാൽ എതിര്‍കക്ഷി നോട്ടീസ് നല്‍കിയിട്ടും കോടതിയില്‍ ഹാജരായില്ല. ഇതേതുടർന്ന്
കേസ് സ്കൂളിന് അനുകൂലമായി തീര്‍പ്പാക്കി കോടതി ഉത്തരവിട്ടു. പിഴയായി ഈടാക്കിയ 1000 ദിര്‍ഹം സ്കൂളിനുണ്ടായ നഷ്ടത്തിന് പരിഹാരമായി നൽകണമെന്നും കോടതി വിധിയിൽ പറയുന്നു.
അതെ സമയം സ്കൂൾ ഫീസുകൾ അടയ്ക്കുന്നതുമായി ബന്ധപ്പെട്ട് അബുദാബിയിൽ പുതിയ മാർഗനിർദേശം അധികൃതർ പുറത്തിറക്കി. ഫീസുമായി ബന്ധപ്പെട്ടും അത് അടക്കേണ്ട തീയതിയുടെ വിവരങ്ങൾ പൂർണ്ണമായും സ്കൂളുകളുടെ ഔദ്യോഗിക വെബ്‌സൈറ്റിൽ ഉൾപ്പെടുത്തണം. ഫീസ് തവണകളായി അടക്കാനുള്ള സൗകര്യം ഒരുക്കണം. എതെങ്കിലും കുട്ടി ഫീസ് അടയ്ക്കാൻ വൈകിയാൽ വിദ്യാർത്ഥിയുടെ പേര് പരസ്യപ്പെടുത്താൻ പാടില്ല. ഫീസ് ഒരിക്കലും കുട്ടിയോട് നേരിട്ട് ചോദിക്കാൻ പാടില്ലെന്നും പകരം രക്ഷകർത്താക്കളെ ബന്ധപ്പെടണമെന്നും പുതിയ മാർഗനിർദേശത്തിൽ പറയുന്നു.
Abu Dhabi school sues man for failing to pay Dhs15,740 outstanding fees of his daughter
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
