മ​സ്ക​ത്ത് - കോ​ഴി​ക്കോ​ട്: സ​ലാം എ​യ​ർ സ​ർ​വി​സു​ക​ൾ റ​ദ്ദാ​ക്കി

മ​സ്ക​ത്ത്: മ​സ്ക​ത്ത് -കോ​ഴി​ക്കോ​ട് സെ​ക്ട​റി​ലെ സർവീസുകൾ താ​ൽ​ക്കാ​ലി​ക​മാ​യി റദ്ദാക്കിയതായി സലാം എയർ. ഔദ്യോഗിക വെ​ബ്സൈ​റ്റി​ൽ ജൂ​ലൈ 13വ​രെ ​​​​​ഫ്ലൈ​റ്റു​ക​ൾ ല​ഭ്യ​മ​ല്ല എന്നാണ് കാണിക്കുന്നത്. എ​യ​ർ ക്രാ​ഫ്റ്റിന്റെ കുറവാണ് സ​ർ​വി​സ് നി​ർ‌​ത്തി വെയ്ക്കാൻ കാ​ര​ണ​മെ​ന്നാ​ണ് റിപ്പോർട്ടുകൾ. 13ന് ​ശേ​ഷം ഇ​നി​യും സ​ർ​വി​സു​ക​ൾ റ​ദ്ദാ​ക്കു​മോ എ​ന്ന ആ​ശ​ങ്ക​യി​ലാ​ണ് പ്രവാസികൾ.

സർവീസ് റ​ദ്ദാ​ക്കി​യ​ വിവരം യാ​ത്ര​ക്കാ​രെ കഴിഞ്ഞ ദിവസം സ​ലാം എ​യ​ർ അറിയിച്ചിട്ടുണ്ട്. ഒരാഴ്ചത്തേക്ക് വി​മാ​ന സ​ര്‍വി​സ് റ​ദ്ദാ​ക്കി​യ​താ​യി യാത്രക്കാർക്ക് ലഭിച്ച സന്ദേശത്തിൽ പറയുന്നു. വീ​ണ്ടും ബു​ക്ക് ചെ​യ്യാ​നോ മ​റ്റു വി​വ​ര​ങ്ങ​ൾ​ക്കോ SalamAir.com എ​ന്ന വെ​ബ്സൈ​റ്റ് വ​ഴി​യോ +968 24272222 എ​ന്ന ന​മ്പ​റി​ലൂ​ടെ​യോ ബ​ന്ധ​പ്പെ​ട​ണ​മെ​ന്ന് അ​ധി​കൃ​ത​ർ അ​റി​യി​ച്ചു.

ടി​ക്ക​റ്റ് തു​ക തി​രി​കെ ല​ഭി​ക്കു​മെ​ങ്കി​ലും പ്രവാസികൾക്ക് സലാം എയറിന്റെ ഈ നീക്കം വലിയ തിരിച്ചടി ആയിട്ടുണ്ട്. സീ​സ​ണ്‍ സ​മ​യ​മാ​യ​തി​നാ​ല്‍ നാ​ട്ടി​ലെ​ത്താ​ന്‍ ഇനി വൻ തുക നൽകി വേണം മറ്റു വിമാനങ്ങളിൽ ടിക്കറ്റ് എടുക്കാൻ. ഉയർന്ന തുക നൽകിയാൽ പോലും ടിക്കറ്റ് ലഭിക്കുന്നില്ലെന്നും പ്രവാസികൾ പറയുന്നു.

കു​റ​ഞ്ഞ​നി​രക്കിൽ യാത്ര ചെയ്യാമെന്നതായിരുന്നു സാ​ധാ​ര​ണ​ക്കാ​രാ​യ യാ​ത്ര​ക്കാ​രെ സ​ലാം എ​യ​റി​ലേ​ക്ക് ആ​ക​ർ​ഷിക്കുന്നത്. പ്രത്യേകിച്ച് ഒമാൻ - കേരളാ സെക്ടറിൽ ഇത്രയേറെ വിലക്കുറവിൽ യാത്ര ചെയ്യാൻ കഴിയുന്ന മറ്റു സർവിസുകൾ കുറവാണ്. അത് കൊണ്ട് തന്നെ ഒമാനിൽ നിന്നുള്ള പ്രവാസികൾ ഏറ്റവും കൂടുതൽ ആശ്രയിക്കുന്നതും സലാം എ​യ​റി​നെ ആയിരുന്നു. ഒരാഴ്ചക്ക് ശേഷം സലാം എയർ സർവീസ് തുടരുമെന്ന് പ്രതീക്ഷയിലാണ് പ്രവാസികൾ.