നഗോയ: ഏഷ്യന് ഗെയിംസ് ബോക്സിങില് പുരുഷ, വനിതാ വിഭാഗങ്ങളില് സ്വര്ണം, വെള്ളി മെഡലുകളില് ഒന്നുറപ്പിച്ച് ഇന്ത്യ. വനിതകളുടെ 65 കിലോ വിഭാഗത്തില് പര്വീണ് ഹൂഡയും പുരുഷ വിഭാഗത്തില് അങ്കുഷ് പംഗല് 80 കിലോ വിഭാഗത്തിലും ഫൈനലിലേക്ക് മുന്നേറിയതോടെയാണ് ഇന്ത്യ സ്വര്ണം, വെള്ളി മെഡലില് ഒന്നുറപ്പിച്ചത്.
ചൈനയുടെ ലി ഷുവിയെ 5-0 എന്ന സ്കോറിന് സെമിയില് ഇടിച്ചു വീഴ്ത്തിയാണ് പര്വീണിന്റെ മുന്നേറ്റം. ഉസ്ബെക്കിസ്ഥാന് താരം ഫസ്ലിദ്ദിന് എര്കിന്ബോവിനെതിരെ ശക്തമായി തിരിച്ചടിച്ചാണ് അങ്കുഷിന്റെ മുന്നേറ്റം. സ്കോര്: 4-1.
75 കിലോ വിഭാഗത്തിലെ ലോക ചാംപ്യനാണ് എര്കിന്ബോവ്. ഏഷ്യന് ഗെയിംസില് ഇതാദ്യമായാണ് അങ്കുഷ് മത്സരിക്കുന്നത്. കന്നി വരവില് തന്നെ ശ്രദ്ധേയ മുന്നേറ്റമാണ് താരം നടത്തിയത്.
പുരുഷന്മാരുടെ 90 കിലോ വിഭാഗത്തില് ഇന്ത്യക്ക് വെങ്കലമുണ്ട്. ഇന്ത്യയുടെ നരേന്ദ്ര ബെര്വാളിനാണ് വെങ്കലം. താരം സെമിയില് തോറ്റതോടെയാണ് വെങ്കലത്തില് ഒതുങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
