ഒരാഴ്ച മാത്രം ബാക്കി; ഇന്ത്യന് ടീമില് തിരിച്ചെത്താന് ഷമിയ്ക്ക് മുന്നില് വന് കടമ്പ
മുംബൈ: 2023ലെ ഏകദിന ലോകകപ്പില് ഇന്ത്യക്കായി മിന്നും ഫോമില് പന്തെറിഞ്ഞ മുഹമ്മദ് ഷമി പരിക്കിനെ തുടര്ന്നു പിന്നീട് ടീമില് കളിച്ചിട്ടില്ല. താരം തിരിച്ചു വരാനുള്ള ശ്രമത്തിലാണ്. അടുത്തിടെ ബംഗാളിനായി രഞ്ജി ട്രോഫിയിലും ഇപ്പോള് സയ്യിദ് മുഷ്താഖ് അലി ട്രോഫി ടി20യില് ഷമി കളിക്കുന്നുണ്ട്.
ബോര്ഡര്- ഗാവസ്കര് ട്രോഫി പോരാട്ടത്തിലെ ശേഷിക്കുന്ന ടെസ്റ്റ് മത്സരങ്ങളിലേക്ക് മടങ്ങിയെത്താനുള്ള കഠിന ശ്രമത്തിലാണ് താരം. എന്നാല് അതത്ര എളുപ്പമാകില്ലെന്നാണ് പുറത്തു വരുന്ന റിപ്പോര്ട്ടുകള്.
ഫിറ്റ്നസ് തെളിയിക്കാന് ബിസിസിഐ അനുവദിച്ച സമയം തീരാന് ഇനി ഒരാഴ്ച കൂടിയാണ് ബാക്കിയുള്ളത്. അതിനുള്ളില് താരം മികവ് ബോധ്യപ്പെടുത്തണം.
സയ്യിദ് മുഷ്താഖ് അലി ട്രോഫിയിലെ ഷമിയുടെ പ്രകടനം ബിസിസിഐ മെഡിക്കല് സംഘം വിലയിരുത്തും. ശരീര ഭാരം ഇനിയും കുറയ്ക്കണമെന്നും ഫിറ്റ്നസ് വീണ്ടെടുക്കണമെന്നും ഷമിയ്ക്ക് കര്ശന നിര്ദ്ദേശം ലഭിച്ചതായും റിപ്പോര്ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
