ഗ്ലാസ്ഗോ: കോമണ്വെല്ത്ത് ഗെയിംസ് പുരുഷന്മാരുടെ ട്രിപ്പിള് ജംപില് ഇന്ത്യക്ക് ഇരട്ട മെഡല്. വെള്ളി, വെങ്കലം മെഡലുകള് ഇന്ത്യ സ്വന്തമാക്കി. പ്രവീണ് ചിത്രാവല് 16.58 മീറ്റര് താണ്ടി വെള്ളി നേടി. സെല്വ പ്രഭു തിരുമാരനാണ് വെങ്കലം. താരം 16.52 മീറ്റര് താണ്ടിയാണ് വെങ്കലം സ്വന്തമാക്കിയത്.
നേരത്തെ വനിതാ ബോക്സിങില് ഇന്ത്യ ഇരട്ട സ്വര്ണം സ്വന്തമാക്കിയിരുന്നു. സ്വര്ണം സമ്മാനിച്ച് പ്രീതി പവാറും പിന്നാലെ ജയ്സ്മിന് ലംബോറിയയും. ഫൈനലില് കാനഡയുടെ സ്കാര്ലറ്റ് ഡെല്ഗാഡോയെ വീഴ്ത്തിയാണ് പ്രീതിയുടെ നേട്ടം. വടക്കന് അയര്ലന്ഡ് താരം മിക്കേല വാല്ഷിനെ ഇടിച്ചിട്ടാണ് ജയ്സ്മിന്റെ നേട്ടം.
54 കിലോ വിഭാഗത്തിലാണ് പ്രീതിയുടെ വിജയം. ഫൈനലില് എതിരാളിയെ ഇടിച്ച് ഇഞ്ചപ്പരവുമാക്കി ഏകപക്ഷീയ വിജയമാണ് ഇന്ത്യന് താരം സ്വന്തമാക്കിയത്. 5-0ത്തിനാണ് ഇന്ത്യന് താരത്തിന്റെ സുവര്ണ നേട്ടം. 57 കിലോ വിഭാഗത്തിലാണ് ജയ്സ്മിന് വിജയം സ്വന്തമാക്കിയത്. താരവും 5-0ത്തിന്റെ ഏകപക്ഷീയ വിജയമാണ് സ്വന്തമാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
