റിയാദ്: സൗദി പ്രൊ ലീഗില്‍ കളിക്കുന്ന അല്‍ നസര്‍ താരവും വെറ്ററന്‍ ഇതിഹാസവുമായ ക്രിസ്റ്റ്യാനോ റൊണാള്‍ഡോ പുതിയ വിവാദത്തില്‍. അല്‍ ഷബാബിനെതിരായ മത്സരത്തിനിടെ താരം അശ്ലീല ആംഗ്യം കാണിച്ചതായാണ് റിപ്പോര്‍ട്ടുകള്‍.
താരം അല്‍ ഷബാബ് ആരാധകരെ ലക്ഷ്യം വച്ചാണ് ആംഗ്യം കാണിച്ചതെന്നാണ് പുറത്തു വരുന്ന റിപ്പോര്‍ട്ടുകള്‍. ഇതിന്റെ ഫൂട്ടേജുകള്‍ പരിശോധിക്കുന്നതായും താരത്തിനെതിരെ അന്വേഷണം ആരംഭിച്ചതായും റിപ്പോര്‍ട്ടുകളുണ്ട്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഞായറാഴ്ച അല്‍ നസര്‍- അല്‍ ഷബാബ് മത്സരത്തിനിടെയാണ് സംഭവം. പോരാട്ടത്തില്‍ അല്‍ നസര്‍ 3-2നു വിജയിച്ചിരുന്നു. മത്സരത്തില്‍ ടീമിന്റെ ആദ്യ ഗോള്‍ പെനാല്‍റ്റിയിലൂടെ നേടിയതും റൊണാള്‍ഡോയാണ്.
മത്സരത്തിനിടെ സ്റ്റേഡിയത്തില്‍ നിന്നു മെസിയെ പുകഴ്ത്തുന്ന ഗാനം വന്നതാണ് താരത്തെ ചൊടിപ്പിച്ചതെന്നും റിപ്പോര്‍ട്ടുകളുണ്ട്. സൗദി ഫുട്‌ബോള്‍ ഫെഡറേഷനാണ് താരത്തിനെതിരെ അന്വേഷണം ആരംഭിച്ചത്. കുറ്റം തെളിയിക്കപ്പെട്ടാല്‍ 39കാരനായ താരത്തിനു സസ്‌പെന്‍ഷനടക്കമുള്ള നടപടികള്‍ നേരിടേണ്ടി വരും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
