ഓക്ക്‌ലന്‍ഡ്: ഇന്ത്യക്കെതിരായ ഏകദിന പരമ്പരയ്ക്ക് ഒരു ദിവസം മാത്രം ശേഷിക്കെ ന്യൂസിലന്‍ഡിന് വീണ്ടും തിരിച്ചടി. പരിശീലനത്തിനിടെ പരിക്കേറ്റ് ഓപ്പണര്‍ ഡെവോണ്‍ കോണ്‍വെ പുറത്തായി. നേരത്തെ രചിന്‍ രവീന്ദ്ര, മാര്‍ക്ക് ചാപ്മാന്‍ എന്നിവര്‍ പരിക്കേറ്റ് ഏകദിന പരമ്പരയില്‍ നിന്നു പുറത്തായിരുന്നു. പിന്നാലെയാണ് കോണ്‍വെയുടേയും മടക്കം. അതേസമയം താരത്തിന് ആദ്യ മത്സരം മാത്രമാകും നഷ്ടമാകുക.
ഫീല്‍ഡിങ് പരിശീലനത്തിനിടെ സഹ താരം മാറ്റ് ഹെൻറിയുമായി കൂട്ടിയിടിച്ചു വീണാണ് കോണ്‍വെയ്ക്ക് പരിക്കേറ്റത്. ക്യാച്ച് പരിശീലിക്കുന്നതിനിടെ ഇരു താരങ്ങളും തമ്മില്‍ കൂട്ടിയിടിച്ച് വീഴുകയായിരുന്നു. വീഴ്ചയില്‍ കോണ്‍വെയുടെ തലയ്ക്ക് പരിക്കേറ്റതായും താരത്തെ ആശുപത്രിയില്‍ പ്രവേശിപ്പിച്ചതായും ന്യൂസിലന്‍ഡ് ക്രിക്കറ്റ് ടീം സ്ഥിരീകരിച്ചു.
നേരത്തെ മാര്‍ക്ക് ചാംപ്മാന്‍ ഹാംസ്ട്രിങ് പരിക്കിനെ തുടര്‍ന്നാണ് പുറത്തായത്. രചിന്‍ രവീന്ദ്രയ്ക്ക് തോളിനേറ്റ പരിക്കാണ് വഴി മുടക്കിയത്.
ഈ മാസം നാല് (ബുധന്‍) മുതലാണ് ഏകദിന പരമ്പര തുടങ്ങുന്നത്. രണ്ടാം പോരാട്ടം ഈ മാസം ഏഴിന്. നവംബര്‍ 10, 13, 15 തീയതികളിലാണ് ശേഷിച്ച മത്സരങ്ങള്‍. ഓക്ക്‌ലന്‍ഡ്, വെല്ലിങ്ടന്‍, ഹാമില്‍ട്ടന്‍, മൗണ്ട് മൗന്‍ഗനുയി എന്നിവയാണ് വേദികള്‍. ഇന്ത്യ ടി20 പരമ്പര 3-2ന് നേടിയാണ് ഏകദിന പോരാട്ടത്തിന് ഇറങ്ങുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
