ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ലിവര്‍പൂള്‍ മുന്നോട്ട്. ഏഴ് മത്സരങ്ങളില്‍ ആറാം ജയം സ്വന്തമാക്കി അവര്‍ ഒന്നാം സ്ഥാനത്ത് തുടരുന്നു. ഇന്ന് നടന്ന പോരാട്ടത്തില്‍ ലിവര്‍പൂള്‍ ക്രിസ്റ്റല്‍ പാലസിനെ വീഴ്ത്തി. മറുപടിയില്ലാത്ത ഒരു ഗോളിനാണ് ലിവര്‍പൂള്‍ വിജയിച്ചത്.
കടുത്ത ആക്രമണമാണ് തുടക്കം മുതല്‍ അവര്‍ നടത്തിയത്. 9ാം മിനിറ്റില്‍ ഡീഗോ ജോട്ടയുടെ ഗോളാണ് ലിവര്‍പൂളിനു ജയമൊരുക്കിയത്. കോഡി ഗാക്‌പോ ബോക്‌സിലേക്ക് നല്‍കിയ ക്രോസില്‍ നിന്നാണ് ജോട്ട വല ചലിപ്പിച്ചത്.
എന്നാല്‍ പിന്നീട് ലിവര്‍പൂളിനെ ഗോളടിക്കാന്‍ സമ്മതിക്കാതെ ക്രിസ്റ്റല്‍ പാലസ് പൂട്ടി. അവരും മറുഭാഗത്ത് തുടരെ ആക്രമണം നടത്തിയിരുന്നു. പക്ഷേ ലക്ഷ്യം അകന്നു തന്നെ നിന്നു.
7 കളികളില്‍ നിന്നു 18 പോയിന്റുമായാണ് ലിവര്‍പൂള്‍ ഒന്നാം സ്ഥാനത്ത് തുടരുന്നത്. 7 മത്സരങ്ങളില്‍ നിന്നു പാലസിനു ഒരു ജയവും കണ്ടെത്താന്‍ കഴിഞ്ഞില്ല. നാല് തോല്‍വിയും മൂന്ന് സമനിലയുമാണ് അവര്‍ക്ക്. ടീം നിലവില്‍ 18ാം സ്ഥാനത്ത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
