സ്റ്റട്ട്ഗര്‍ട്ട്: യൂറോ കപ്പില്‍ ബെല്‍ജിയത്തിനെതിരെ സമനില വഴങ്ങിയ യുക്രൈന്‍ പ്രീ ക്വാര്‍ട്ടര്‍ കാണാതെ പുറത്ത്. സ്ലൊവാക്യ - റൊമാനിയ മത്സരം സമനില ആയതോടെയാണ് നാലു പോയന്റുണ്ടായിട്ടും യുക്രൈന്‍ പുറത്തായി.
മത്സരത്തിന്റെ ഏഴാം മിനിറ്റില്‍ തന്നെ കെവിന്‍ ഡിബ്രുയ്‌നിലൂടെ ബെല്‍ജിയത്തിന് അവസരം ലഭിച്ചെങ്കിലും പാസ് സ്വീകരിച്ച ലുക്കാക്കുവിന് ലക്ഷ്യം കണ്ടെത്താനായില്ല. യുക്രൈന്‍ ഗോളി അനട്ടോളി ട്രൂബിന്‍ പന്ത് കൈകളിലാക്കി.
42-ാം മിനിറ്റില്‍ ലഭിച്ച അവസരം യുക്രൈനും മുതലാക്കാനായില്ല. ഷപരെങ്കോന്റെ പാസില്‍ യാരെംചുകിന്റെ ക്രോസ് വലയിലെത്തിക്കാന്‍ ആര്‍ട്ടെം ഡൊവ്ബിക്കിന് കഴിഞ്ഞില്ല. ആദ്യപകുതിയിലുടനീളം പന്തിന്മേല്‍ ആധിപത്യം പുലര്‍ത്തിയത് ബെല്‍ജിയമായിരുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ജയം അനിവാര്യമായ യുക്രൈന്‍ രണ്ടാം പകുതിയില്‍ ആക്രമിച്ച് കളിക്കാന്‍ തുടങ്ങി ഇതിനിടെ 73-ാം മിനിറ്റില്‍ മികച്ച മുന്നേറ്റവുമായി ബെല്‍ജിയമെത്തി എന്നാല്‍ യുക്രൈനെ ഗോളി ട്രൂബിന്‍ രക്ഷപ്പെടുത്തി. 83-ാം മിനിറ്റില്‍ ഒരു കോര്‍ണര്‍ മലിനോവ്സ്‌കി നേരേ പോസ്റ്റിലേക്കടിച്ചെങ്കിലും ഗോളി കാസ്റ്റീല്‍സിന്റെ ബെല്‍ജിയത്തെ രക്ഷിച്ചു. ജൂണ്‍ 29-ന് നടക്കുന്ന പ്രീക്വാര്‍ട്ടറില്‍ ഫ്രാന്‍സാണ് ബെല്‍ജിയത്തിന്റെ എതിരാളികള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
