ലോകകപ്പിനിടെ തീരാ നഷ്ടം; നെഞ്ചുലഞ്ഞ് നെതർലൻഡ്സ് താരം കോഡി ​ഗാക്പോ; ദുഃഖ വാർത്ത

ന്യൂയോർക്ക്: നെതർലൻഡ്സ് ഫുട്ബോൾ താരം കോഡി ഗാക്പോയുടെയും പങ്കാളിയും മോഡലുമായ നോവ വൻഡർ ബേയുടെയും ഗർഭസ്ഥ ശിശു അന്തരിച്ചു. ഒക്ടോബറിൽ കുട്ടിയുടെ ജനനം പ്രതീക്ഷിച്ചിരിക്കുകയായിരുന്നു. അതിനിടെയാണ് അപ്രതീക്ഷിത മരണം.

നോവയാണ് ഇക്കാര്യം സമൂഹ മാധ്യമത്തിലൂടെ അറിയിച്ചത്. തുന്നിയ തൊപ്പിയും ചെറു കമ്പിളിയുടെ മേൽ ഇരുവരുടെയും കൈകളുമുള്ള ചിത്രം പങ്കുവച്ചാണ് സങ്കട വാർത്ത നോവ വെളിപ്പെടുത്തിയത്. ഇരുവരുടെയും മൂത്ത കുട്ടി സാമുവലിന് 2 വയസുണ്ട്.

ഏറെ ബുദ്ധിമുട്ടുള്ള ഒരു ഘട്ടത്തിലൂടെയാണ് കുടുംബം കടന്നു പോകുന്നത്. പിന്തുണയ്ക്ക് നന്ദി- ഗാക്പോ സമൂഹ മാധ്യമത്തിൽ കുറിച്ചു.

ലോകകപ്പിൽ നെതർലൻഡ്‍സിന്റെ വിജയങ്ങളിൽ നിർണായക പങ്കുവഹിച്ക്കുന്ന താരമാണ് കോഡി ഗാക്പോ. സ്വീഡനെതിരെ താരം രണ്ട് ​ഗോളുകളും നേടിയിരുന്നു. നോക്കൗട്ടിൽ മൊറോക്കോയാണ് ഓറഞ്ച് പടയുടെ എതിരാളികൾ.