ദുബായ്: 2022ലെ ഐപിഎല്‍ സീസണില്‍ തന്നെ കളിക്കാരനായി കാണാനാവുമോ ഇല്ലയോ എന്ന് പറയാനാവില്ലെന്ന് ചെന്നൈ സൂപ്പര്‍ കിങ്‌സ് നായകന്‍ എംഎസ് ധോനി. എന്നാല്‍ കളിക്കാനായില്ലെങ്കിലും ചെന്നൈ സൂപ്പര്‍ കിങ്‌സിനൊപ്പം ഉണ്ടാവും എന്നും ധോനി പറഞ്ഞു.
മഞ്ഞക്കുപ്പായത്തില്‍ അടുത്ത സീസണിലും നിങ്ങള്‍ക്ക് എന്നെ കാണാം. പക്ഷേ ചെന്നൈക്ക് വേണ്ടി ഞാന്‍ കളിക്കുമോ എന്ന് പറയാനാവില്ല. അനിശ്ചിതത്വങ്ങളാണ് മുന്‍പില്‍ വരുന്നത്. പുതിയ രണ്ട് ടീമുകള്‍ കൂടി എത്തുന്നു. റിറ്റെന്‍ഷന്‍ ചട്ടങ്ങള്‍ എന്തെല്ലാമാവും എന്ന് അറിയില്ല, ധോനി പറഞ്ഞു.
ചെന്നൈയില്‍ ആരാധകര്‍ക്ക് മുന്‍പില്‍ വെച്ച് വിടപറയാനാവും എന്നാണ് പ്രതീക്ഷിക്കുന്നത് എന്ന് ധോനി കഴിഞ്ഞ ദിവസം പറഞ്ഞിരുന്നു. ഇതോടെ അടുത്ത സീസണിലും ധോനി ചെന്നൈക്ക് വേണ്ടി കളിക്കും എന്ന ആശ്വാസത്തിലായിരുന്നു ആരാധകര്‍.
സീസണില്‍ ധോനിയുടെ ചെന്നൈ പ്ലേഓഫില്‍ കടന്നിരുന്നു. എന്നാല്‍ ബാറ്റിങ്ങില്‍ മികവ് കാണിക്കാന്‍ ധോനിക്ക് കഴിഞ്ഞിട്ടില്ല. ഈ സാഹചര്യത്തില്‍ ഈ സീസണോടെ ധോനി ഐപിഎല്ലില്‍ നിന്ന് വിരമിച്ചേക്കും എന്ന വിലയിരുത്തല്‍ ശക്തമാണ്. ഐപിഎല്ലിന് ശേഷം ട്വന്റി20 ലോകകപ്പിനുള്ള ഇന്ത്യന്‍ സംഘത്തിനൊപ്പം മെന്ററായും ധോനി ചേരും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
