ലണ്ടന്‍: വിംബിള്‍ഡണ്‍ വനിതാ സിംഗിള്‍സ് ഫൈനലില്‍ പോളണ്ടിന്റെ മുന്‍ ലോക ഒന്നാം നമ്പര്‍ താരം ഇഗ സ്യാം തെക്കിന് കിരീടം. യുഎസിന്റെ അമാന്‍ഡ അനിസിമോവയെ അനായസം പരാജയപ്പടുത്തിയാണ് ഇഗയുടെ കന്നിക്കിരീട നേട്ടം. 57 മിനിറ്റ് മാത്രം നീണ്ട പോരാട്ടത്തില്‍ 6-0. 6-0 എന്ന സ്‌കോറിനാണ് ഇഗയുടെ വിജയം
കാര്യമായ ചെറുത്തുനില്‍പ്പിനു പോലും കെല്‍പ്പില്ലാതെയാണ് ഇഗയ്ക്ക് മുന്നില്‍ അമാന്‍ഡ അനിസിമോവ വളരെ വേഗം കീഴടങ്ങിയത്. വിംബിള്‍ഡണ്‍ കീരീട നേട്ടത്തോടെ ഇഗയുടെ ഗ്രാന്‍സ് സ്ലാം നേട്ടം ആറായി.
ഫ്രഞ്ച് ഓപ്പണില്‍ നാലും യുഎസ് ഓപ്പണില്‍ ഒരു തവണയും ഇഗ കിരീടം നേടിയിട്ടുണ്ട്. ആദ്യമായി ഒരു ഗ്രാന്‍സ്ലാം ടൂര്‍ണമെന്റിന്റെ ഫൈനലില്‍ കടന്ന 13ാം സീഡായ അമാന്‍ഡയ്ക്ക്, 2016നു ശേഷം വിംബിള്‍ഡണില്‍ കിരീടമുയര്‍ത്തുന്ന ആദ്യ വനിതാ യുഎസ് താരമെന്ന നേട്ടവും നഷ്ടമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
