സിഡ്‌നി: പരിക്കിനെ തുടര്‍ന്ന് ദീര്‍ഘ നാളായി കളത്തില്‍ നിന്നു വിട്ടുനില്‍ക്കുന്ന ഓസ്‌ട്രേലിയന്‍ ഓള്‍റൗണ്ടര്‍ ഗ്ലെന്‍ മാക്‌സ്‌വെല്‍ പൂര്‍ണ ആരോഗ്യവാനായി കഴിഞ്ഞ ദിവസമാണ് തിരിച്ചെത്തിയത്. ഷെഫീല്‍ഡ് ഷീല്‍ഡ് പോരാട്ടത്തിലൂടെ താരം കളത്തിലിറങ്ങുകയും ചെയ്തു. വിക്ടോറിയക്ക് വേണ്ടിയാണ് താരം നാല് വര്‍ഷത്തെ ഇടവേളയ്ക്ക് ശേഷം റെഡ് ബോള്‍ ക്രിക്കറ്റ് കളിക്കാനിറങ്ങിയത്.
എന്നാല്‍ മത്സരത്തിനിടെ താരത്തിന് വീണ്ടും പരിക്കേറ്റു. ഇതോടെ ഇന്ത്യക്കെതിരായ ഏകദിന പരമ്പരയിലൂടെ അന്താരാഷ്ട്ര മത്സരങ്ങളിലേക്ക് തിരിച്ചെത്താമെന്ന താരത്തിന്റെ കണക്കുകൂട്ടലും സംശയത്തിലായി.
ബാറ്ററടിച്ച പന്ത് കൈക്കുഴയ്ക്ക് കൊണ്ടാണ് മാക്‌സ്‌വെല്ലിന് വീണ്ടും പരിക്കേറ്റത്. രണ്ടാം ഇന്നിങ്‌സില്‍ താരം വിക്ടോറിയക്കായി ബാറ്റിങിന് ഇറങ്ങിയതുമില്ല. ആദ്യ ഇന്നിങ്‌സില്‍ താരം അഞ്ച് റണ്‍സുമായി പുറത്തായി.
കാലിനേറ്റ പരിക്കിനെ തുടര്‍ന്നാണ് മാക്‌സ്‌വെല്‍ കളത്തില്‍ നിന്ന് വിട്ടുനിന്നത്. കഴിഞ്ഞ ബിഗ് ബാഷ് ലീഗടക്കമുള്ള മത്സരങ്ങള്‍ താരത്തിന് നഷ്ടമായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
