അവസാനത്തെ സ്‌ട്രൈക്ക്! മരിച്ച താരത്തെ കൊണ്ട് ഗോളടിപ്പിച്ച് സഹകളിക്കാര്‍

സാന്റിയാഗോ: ജീവിച്ചിരുന്നപ്പോള്‍ തങ്ങള്‍ക്കായി അടിച്ചുക്കൂട്ടിയ ഗോളുകള്‍ക്ക് ആദരം. മരിച്ച ചിലിയന്‍ താരത്തെ കൊണ്ട് ഗോളടിപ്പിച്ച് സഹതാരങ്ങള്‍. ഹൃദയാഘാതത്തെ തുടര്‍ന്ന് മരിച്ച തങ്ങളുടെ സ്‌ട്രൈക്കര്‍ക്കാര്‍ ഈ അപൂര്‍വ ആദരാഞ്ജലി. 

ചിലി ക്ലബ് അപാരിസിയോണിന്റെ സ്‌ട്രൈക്കര്‍ ജയ്‌മെയാണ് മരിച്ചത്. ജയ്മയുടെ മൃതദേഹവുമായി പേടകം അവര്‍ മൈതാനത്തേക്ക് കൊണ്ടുവന്നു. സഹതാരങ്ങള്‍ ജയ്മയെ കൊണ്ട് അവസാനമായി ഗോളടിപ്പിച്ചു.

ഗോള്‍ ബോക്‌സിനുള്ളില്‍ വെച്ച പേടകത്തിലേക്ക് സഹതാരങ്ങളില്‍ ഒരാള്‍ പന്ത് തട്ടി. പേടകത്തില്‍ തട്ടി പന്ത് നേരെ ഗോള്‍ വലയിലേക്ക്.. സഹതാരങ്ങളും കൂടി നിന്ന ആരാധകരും ആരവം മുഴക്കി താരത്തിന്റെ അവസാന ഗോള്‍ ആഘോഷിച്ചു.