ബംഗളൂരു: ഐപിഎല്ലില് അപൂര്വ റെക്കോര്ഡ് സ്വന്തമാക്കി ഇതിഹാസ താരം വിരാട് കോഹ് ലി. തുടര്ച്ചയായി നാല് സീസണുകളില് 600, അതിനു മുകളില് റണ്സ് നേടുന്ന ചരിത്രത്തിലെ ആദ്യ താരമെന്ന നേട്ടമാണ് കോഹ് ലി സ്വന്തമാക്കിയത്. ഗുജറാത്ത് ടൈറ്റന്സിനെതിരായ ക്വാളിഫയര് മത്സരത്തിലാണ് കോഹ് ലിയുടെ നേട്ടം. മത്സരത്തില് കോഹ് ലി 25 പന്തില് നിന്ന് 43 റണ്സ് നേടി.
നിലവില് ഈ സീസണില് റണ്സ് നേട്ടത്തില് നാലാമത് ആണ് വിരാട്, ഒന്നാം സ്ഥാനത്ത് ഗുജറാത്തിന്റെ സായ് സുദര്ശനാണ്. താരം നിലവില് 638 റണ്സ് നേടി. രണ്ടാമത് ഗുജറാത്തിന്റെ തന്നെ ശുഭ്മാന് ഗില് ആണ്. 616 റണ്സാണ് ഗില്ലിന്റെ സമ്പാദ്യം. 606 റണ്സുമായി ക്ലാസന് ആണ് മൂന്നാമത്.
കഴിഞ്ഞ 3 സീസണുകള് അടുപ്പിച്ച് 600, അതിനു മുകളില് റണ്സ് നേടിയത് കോഹ്ലിയ്ക്കൊപ്പം ക്രിസ് ഗെയ്ല്, ഡേവിഡ് വാര്ണര്, കെഎല് രാഹുല് എന്നിവരുമുണ്ട്. രണ്ട് സീസണുകളില് തുടരെ 600, പ്ലസ് സ്കോറുകളുള്ള രണ്ട് താരങ്ങള് നിലവിലുണ്ട്. ഗുജറാത്ത് ടൈറ്റന്സ് ഓപ്പണര്മാരായ ശുഭ്മാന് ഗില്, സായ് സുദര്ശന് എന്നിവര്.
ക്രിസ് ഗെയ്ല്: 2011, 12, 13 സീസണുകള്
ഡേവിഡ് വാര്ണര്: 2016, 17, 19 സീസണുകള്
കെഎല് രാഹുല്: 2020, 21, 22 സീസണുകള്
വിരാട് കോഹ്ലി: 2023, 24, 25 സീസണുകള്
ശുഭ്മാന് ഗില്: 2025, 26 സീസണുകള്
സായ് സുദര്ശന്: 2025, 26 സീസണുകള്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
