മഡ്രിഡ്: ഫുട്ബോള് ലോകകപ്പ് ജേതാക്കളായ സ്പെയിന് ക്രിക്കറ്റ് ലോകത്തും വിസ്മയമായി മാറുന്നു. അന്താരാഷ്ട്ര ക്രിക്കറ്റില് തുടര്ച്ചയായ 21 വിജയങ്ങള് സ്വന്തമാക്കി ഓസ്ട്രേലിയയുടെ എക്കാലത്തെയും മികച്ച റെക്കോര്ഡ് സ്പെയിന് തകര്ത്തു. യൂറോപ്പ് സബ്-റീജിയണല് ക്വാളിഫയര് സി മത്സരത്തില് ഫിന്ലന്ഡിനെ 8 വിക്കറ്റിന് പരാജയപ്പെടുത്തിയതോടെയാണ് സ്പെയിന് ചരിത്രനേട്ടത്തിലെത്തിയത്.
കഴിഞ്ഞ മൂന്ന് വര്ഷമായി അന്താരാഷ്ട്ര ടി20 മത്സരങ്ങളില് ഒരു തോല്വി പോലും വഴങ്ങാതെയാണ് സ്പെയിന് കുതിപ്പ് തുടരുന്നത്. നേരത്തെ, റിക്കി പോണ്ടിങ്ങിന്റെ നേതൃത്വത്തില് ഓസ്ട്രേലിയ കുറിച്ച 20 തുടര് വിജയങ്ങളുടെ റെക്കോര്ഡാണ് സ്പെയിന് മറികടന്നത്. 2003ല് ഓസ്ട്രേലിയ കൈവരിച്ചതായിരുന്നു ഈ നേട്ടം.
ഐസിസി ടി20 റാങ്കിങ്ങില് 28-ാം സ്ഥാനത്തുള്ള സ്പെയിന് ടീം, 2028ലെ ടി20 ലോകകപ്പിനുള്ള യോഗ്യതാ പ്രതീക്ഷകള് കൂടിയാണ് ഈ വിജയങ്ങളിലൂടെ സജീവമാക്കിയത്. 2019 ജനുവരി മുതല് ഇതുവരെ കളിച്ച 50 ടി20 മത്സരങ്ങളില് 41 എണ്ണത്തിലും സ്പെയിന് വിജയം കണ്ടു. എട്ട് മത്സരങ്ങളില് മാത്രമാണ് അവര്ക്ക് തോല്വി നേരിടേണ്ടി വന്നത്. ഫുട്ബോളിലെ ആധിപത്യത്തിന് ശേഷം ക്രിക്കറ്റ് പിച്ചിലും തങ്ങളുടെ കരുത്ത് തെളിയിക്കുന്ന സ്പെയിന്, ലോക ക്രിക്കറ്റിലെ വളര്ന്നുവരുന്ന ടീമുകളിലൊന്നായി മാറിക്കഴിഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
