ന്യൂഡല്‍ഹി: ഐസിസി ടി20 റാങ്കിങ്ങില്‍ ഇന്ത്യയുടെ സൂര്യകുമാര്‍ യാദവിനെ പിന്തള്ളി ഓസ്‌ട്രേലിയയുടെ ഓപ്പണര്‍ ട്രാവിസ് ഹെഡ് ഒന്നാമത്. ടി20 ലോകകപ്പില്‍ സെമി കാണാതെ ഓസ്‌ട്രേലിയ പുറത്തായെങ്കിലും ഏഴു കളികളില്‍ നിന്ന് 255 റണ്‍സ് അടിച്ചുകൂട്ടിയതാണ് ഇടംകൈയന്‍ ബാറ്ററായ ട്രാവിസ് ഹെഡിന് ഗുണമായത്. ലോകകപ്പില്‍ ഇന്ത്യയ്‌ക്കെതിരായ ഓസ്‌ട്രേലിയയുടെ അവസാന മത്സരത്തില്‍ 76 റണ്‍സ് എടുത്ത ട്രാവിസ് ഹെഡ് ഒരു ഘട്ടത്തില്‍ ടീമിനെ ജയിപ്പിക്കുമെന്ന് വരെ തോന്നിപ്പിച്ചിരുന്നു.
അവസാന മൂന്ന് മത്സരത്തില്‍ 31, 0,76 എന്നിങ്ങനെയാണ് ഹെഡിന്റെ ബാറ്റിങ് സംഭാവന. സൂര്യകുമാര്‍ യാദവിന്റേത് 51,6,31 എന്നിങ്ങനെയാണ്. നാലുപേരെ പിന്തള്ളിയാണ് ഹെഡ് ഒന്നാമതെത്തിയത്. 844 പോയിന്റ് ആണ് ഹെഡിന് ഉള്ളത്. സൂര്യകുമാര്‍ യാദവിനേക്കാള്‍ രണ്ടു പോയിന്റ് മുന്നില്‍. എന്നാല്‍ സൂര്യകുമാര്‍ യാദവിന് ഒരാഴ്ചയ്ക്കകം തന്നെ സ്ഥാനം തിരിച്ചുപിടിക്കാനും അവസരമുണ്ട്. വരുന്ന ലോകകപ്പ് മത്സരങ്ങളില്‍ മികച്ച പ്രകടനം പുറത്തെടുക്കാന്‍ കഴിഞ്ഞാല്‍ സൂര്യകുമാര്‍ യാദവിന് ഒന്നാം സ്ഥാനം വീണ്ടെടുക്കാന്‍ സാധിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
ഫില്‍ സാള്‍ട്ട്, ബാബര്‍ അസം, മുഹമ്മദ് റിസ്വാന്‍, ജോഷ് ബട്ട്‌ലര്‍ എന്നിവരാണ് ഹെഡിനും സൂര്യകുമാര്‍ യാദവിനും തൊട്ടുപിന്നില്‍. ഇന്ത്യയുടെ തന്നെ യശ്വസി ജയ്‌സ്വാള്‍ ആണ് ഏഴാം സ്ഥാനത്ത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
