ന്യൂഡെല്‍ഹി: ഇന്ത്യന്‍ ക്രിക്കറ്റ് ടീം പരിശീക സ്ഥാനത്തു നിന്നും അനില്‍ കുംബ്ലെ രാജിവെച്ചു. ടീം അംഗങ്ങളുമായുള്ള ഭിന്നതയെ തുടര്‍ന്നാണ് രാജിവെച്ചത്. ഇന്ത്യന്‍ ടീം ക്യാപ്റ്റന്‍ വിരാട് കോഹ്ലിയുമായി രമ്യതയിലെത്താന്‍ സാധിക്കാത്തതിനെ തുടര്‍ന്ന് കുംബ്ലെയെ മാറ്റാന്‍ നീക്കം നടന്നിരുന്നു.
ചാംപ്യന്‍സ് ലീഗിന് ശേഷം വെസ്റ്റിന്റീസ് പര്യടനത്തിന് ഇംഗ്ലണ്ടില്‍ നിന്നും നേരെ യാത്ര തിരിച്ച ടീമിനൊപ്പം കുംബ്ലെ പോയിരുന്നില്ല. ചാംപ്യന്‍സ് ലീഗ് വരെയായിരുന്ന കുംബ്ലെയുടെ പരിശീലക കാലാവധി വെസ്റ്റന്റീസ് പര്യടനം വരെ ബിസിസഐ നീട്ടിയിരുന്നു. ഇതിനിടയിലാണ് കുംബ്ലെയുടെ നാടകീയ രാജി.
ബിസിസിഐ സിഇഒ രാഹുല്‍ ജോഹ്‌റിക്ക് കുംബ്ലെ രാജിക്കത്ത് നല്‍കി. കുംബ്ലെയും ടീമംഗങ്ങളും തമ്മില്‍ പ്രശ്‌നമുള്ളതായി റിപ്പോര്‍ട്ടുകളുണ്ടായിരുന്നു. അതേസമയം, കുംബ്ലെയും കോഹ്ലിയും തമ്മിലുള്ള പ്രശ്‌നങ്ങളാണ് രാജിയില്‍ കലാശിച്ചതെന്നും സൂചനയുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
