തിരുവനന്തപുരം: ലോക അത്‌ലറ്റിക് മീറ്റിനുള്ള ഇന്ത്യന്‍ ടീമില്‍ മലയാളി കായിക താരം പിയു ചിത്രയ്ക്ക് പങ്കെടുക്കാന്‍ കഴിയില്ലെന്ന് സംസ്ഥാന കായിക മന്ത്രി എസി മൊയ്തീന്‍. അത്‌ലറ്റിക് ഫെഡറേഷന് ഓഫ് ഇന്ത്യ (എഎഫ്‌ഐ), ചിത്രയെ ഉള്‍പ്പെടുത്തണമെന്ന് പറഞ്ഞ് ഇന്റര്‍ നാഷണല്‍ അസോസിയേഷന്‍ ഓഫ് അത്‌ലറ്റിക് ഫെഡറേഷനു (ഐഎഎഫ്) കത്തയയ്ക്കുമെന്ന് പറയുന്നത് നാട്ടുകാരുടെ കണ്ണില്‍ പൊടിയിടാനാണെന്നും മന്ത്രി പറഞ്ഞു.
കേന്ദ്രം വേണ്ട സമയത്ത് ഇടപെടാതെ ഇപ്പോള്‍ നടത്തുന്ന നീക്കങ്ങള്‍ക്ക് ആത്മാര്‍ഥതയില്ലെന്നും മന്ത്രി ആരോപിച്ചു. കേരള ഹൈക്കോടതി വിധി മാനിക്കണമെന്ന് കേന്ദ്ര കായിക മന്ത്രി വിജയ് ഗോയല്‍ ഫെഡറേഷനോട് ആവശ്യപ്പെട്ടതിനെ തുടര്‍ന്ന് ചിത്രയെ ഉള്‍പ്പെടുത്തണം എന്നാവശ്യപ്പെട്ട് എഎഫ്‌ഐ, ഐഎഎഫിന് കത്തയക്കുമെന്ന് വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
