ന്യൂഡല്‍ഹി: ഫോമിലേക്ക് ഇതുവരെ എത്തിയിട്ടില്ലാത്ത ചെന്നൈ സൂപ്പര്‍ കിങ്‌സിന്റെ മധ്യനിര താരം കേദാര്‍ ജാദവിനെ പ്ലേയിങ് ഇലവനില്‍ നിന്ന് ഒഴിവാക്കരുത് എന്ന് സെവാഗ്. പകരം ജാദവിനെ കൂടുതല്‍ പ്രചോദിപ്പിക്കുകയാണ് ധോനി ചെയ്യേണ്ടത് എന്ന് സെവാഗ് പറഞ്ഞു.
ആര്‍സിബിക്കെതിരായ ചെന്നൈയുടെ കളിക്ക് മുന്‍പ് നടത്തിയ വിലയിരുത്തലിലാണ് സെവാഗിന്റെ പ്രതികരണം. ഇന്ത്യക്ക് വേണ്ടി കളിക്കുന്ന താരമാണ് ജാദവ്. ഇപ്പോഴും ഇന്ത്യന്‍ ടീമിന്റെ ഭാഗമാണ്. ചെന്നൈയുടെ പ്ലേയിങ് ഇലവനില്‍ ജാദവ് ഉണ്ടാവണം. എന്നാല്‍ ധോനിയില്‍ നിന്ന് കൂടുതല്‍ പ്രചോദനം ജാദവിന് ലഭിക്കേണ്ടതുണ്ട്. അതിലൂടെ മികവ് കാണിക്കാന്‍ ജാദവിന് കഴിയും. ഒന്ന് രണ്ട് കളിയില്‍ ജാദവ് പരാജയപ്പെട്ടേക്കും, എന്നാല്‍ ഇനി വരുന്ന കളികളില്‍ ജാദവ് തിരിച്ചു വരും എന്നാണ് വിശ്വസിക്കുന്നത് എന്നും സെവാഗ് പറഞ്ഞു.
എന്നാല്‍, കൊല്‍ക്കത്തക്കെതിരായ കളിക്ക് പിന്നാലെ ജാദവിനെ വലിയ രീതില്‍ പരിഹസിച്ചാണ് സെവാഗ് എത്തിയിരുന്നത്. ഉപകാരമില്ലാത്ത അലങ്കാര വസ്തുവാണ് ജാദവ് എന്ന് സെവാഗ് പരിഹസിച്ചു. മാത്രമല്ല. 12 പന്തില്‍ നിന്ന് ഏഴ് റണ്‍സ് നേടിയ ജാദവ് ആണ് ശരിക്കും മാന്‍ ഓഫ് ദി മാച്ച് എന്നും സെവാഗ് പറഞ്ഞിരുന്നു.
ആര്‍സിബിക്കെതിരെയാണ് ചെന്നൈയുടെ അടുത്ത കളി. ചെന്നൈ സൂപ്പര്‍ കിങ്‌സ് 6 കളി പിന്നിട്ടപ്പോള്‍ ഒന്നില്‍ പോലും ഫോമിലേക്ക് ഉയരാന്‍ കേദാര്‍ ജാദവിന് കഴിഞ്ഞിരുന്നില്ല. 58 റണ്‍സ് മാത്രമാണ് ജാദവ് ഇതുവരെ കണ്ടെത്തിയത്. ബാറ്റിങ് ശരാശരി 19.33. സ്‌ട്രൈക്ക്‌റേറ്റ് 98.30. ജാദവിനെ പ്ലേയിങ് ഇലവനില്‍ നിന്ന് മാറ്റിയാല്‍ പകരം ആര് എന്ന ചോദ്യവും ചെന്നൈയെ കുഴക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
