ഇന്ത്യ: വെസ്റ്റിന്‍ഡീസിനെതിരായ ഇന്ത്യയുടെ ടെസ്റ്റ് പരമ്പരയിലെ ആദ്യ പോരാട്ടത്തിന് ഇന്ന് തുടക്കമാകും. ആന്റിഗ്വയിലാണ് മത്സരം. ഇന്ത്യന്‍ സമയം വൈകീട്ട് ഏഴ് മണി മുതലാണ് പോരാട്ടം.
പുതിയ ജേഴ്‌സി ധരിച്ചാണ് ഇന്ത്യന്‍ താരങ്ങള്‍ കളത്തിലെത്തുന്നത്. ലോക ടെസ്റ്റ് ചാമ്പ്യന്‍ഷിപ്പിന്റെ ഭാഗമായാണ് ഐസിസി ജേഴ്‌സികള്‍ പരിഷ്‌ക്കരിച്ചത്. ഇതില്‍ താരങ്ങളുടെ പേരും ഒപ്പം നമ്പറുമുണ്ടാകും. ആഷസ് ടെസ്റ്റ് പരമ്പരയോടെയാണ് ലോക ടെസ്റ്റ് ചാമ്പ്യന്‍ഷിപ്പിന് തുടക്കമായത്. ഐസിസിയുടെ പരീക്ഷണം ആദ്യം നടന്നതും ഓസ്‌ട്രേലിയ, ഇംഗ്ലണ്ട് താരങ്ങളുടെ ജേഴ്‌സിയിലായിരുന്നു.
പുത്തന്‍ ജേഴ്‌സിയുമണിഞ്ഞുള്ള ചിത്രങ്ങള്‍ താരങ്ങള്‍ ഇതിനകം തന്നെ പങ്കുവെച്ചു കഴിഞ്ഞു. ഇന്‍സ്റ്റഗ്രാമിലാണ് താരങ്ങള്‍ ചിത്രങ്ങള്‍ പങ്കുവച്ചത്. വിരാട് കോഹ്‌ലി, അജിന്‍ക്യ രഹാനെ, രോഹിത് ശർമ, ഋഷഭ് പന്ത്, ചേതേശ്വര്‍ പൂജാര, കുല്‍ദീപ് യാദവ്, എന്നിവരാണ് തങ്ങളുടെ ജേഴ്‌സിയുമണിഞ്ഞുള്ള ചിത്രങ്ങള്‍ പങ്കുവച്ചത്.
ഏകദിനത്തിലെ നമ്പറായ 18 തന്നെയാണ് ക്യാപ്റ്റന്‍ വിരാട് കോഹ്‌ലിയുടെ ടെസ്റ്റിലേയും ജേഴ്‌സി നമ്പര്‍. ഋഷഭ് പന്തിന്റേത് 17, രഹാനെയുടേത് മൂന്ന്, രോഹിത് ശർമയുടേത് 45, ചേതേശ്വര്‍ പൂജാരയുടേത് 25, കുല്‍ദീപ് യാദവിന്റേത് 23 എന്നിങ്ങനെയാണ് താരങ്ങളുടെ നമ്പറുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
