C6TpLYjWcAAnvz6

ബെംഗളൂരുവില്‍ ഇന്ത്യ തിരിച്ചടിച്ചു; ജയം 75 റണ്‍സിന്

രവിചന്ദ്ര അശ്വിന്റെ മാന്ത്രിക സ്പിന്നിനു മുന്നില്‍ ഓസ്‌ട്രേലിയ തകര്‍ന്നു

Published on:

07 Mar 2017, 5:20 am

ബെംഗളൂരു: ഇന്ത്യ-ഓസ്‌ട്രേലിയ രണ്ടാം ടെസ്റ്റില്‍ ഇന്ത്യയ്ക്ക് 75 റണ്‍സ് ജയം. രണ്ടാം ഇന്നിംഗ്‌സില്‍ ഇന്ത്യന്‍ ലീഡ് മറികടക്കാനിറങ്ങിയ ഓസീസ് ബാറ്റിംഗ് നിര രവിചന്ദ്ര അശ്വിന്റെ മാന്ത്രി സ്പിന്നിന് മുന്നില്‍ മുട്ടുകുത്തി. രണ്ടാം ഇന്നിംഗ്‌സ് 187 റണ്‍സിലാണ് ഇന്ത്യന്‍ ടീം പൂര്‍ത്തിയാക്കിയത്. മറുപടി ബാറ്റിംഗിനിറങ്ങിയ കംഗാരുപ്പട 122 റണ്‍സെടുക്കുന്നതിനെ എല്ലാവരും പുറത്തായി. ആര്‍ അശ്വന്‍ ആറ് വിക്കറ്റുകള്‍ നേടി ഓസ്‌ട്രേലിയന്‍ ബാറ്റ്‌സ്മാന്‍മാരെ വട്ടം കറക്കി. രണ്ടാം ടെസ്റ്റില്‍ രണ്ട് ഇന്നിംഗ്‌സുകളിലുമായി എട്ട് വിക്കറ്റാണ് അശ്വന്‍ നേടിയത്.
ഉമേഷ് യാദവ് (2), രവീന്ദ്ര ജഡേജ (1), ഇഷാന്ത് ശര്‍മ (1) എന്നിവരാണ് ബാക്കിയുള്ള വിക്കറ്റുകള്‍ വീഴ്ത്തിയത്.