മെസ്സിക്ക് അടുത്ത മാസം വയസ് 30; കപ്പുകളും 30

അടുത്ത മാസം 30മത് പിറന്നാള്‍ ആഘോഷിക്കുന്ന മെസ്സിക്ക് സ്വന്തം പേരിലുള്ളത് 30 കപ്പുകള്‍. മാഡ്രിഡില്‍ കഴിഞ്ഞ ദിവസം കോപ്പ ഡെല്‍റേ ഫൈനലില്‍ ആല്‍വസിനെ പരാജയപ്പെടുത്തിയതോടെ ബാഴ്‌സയുടെ ജെഴ്‌സിയില്‍ മെസ്സിയുടെ 30മത് കിരീടമായിരുന്നു.

ആല്‍വസിനെതിരേ കിടിലന്‍ പ്രകടനം നടത്തിയ മെസ്സി ടീമിന്റെ ആദ്യ ഗോള്‍ അടിക്കുകയും മൂന്നാം ഗോളിന് അവസരമൊരുക്കുകയും ചെയ്തു. ലാലീഗയും ചാംപ്യന്‍സ് ലീഗും നഷ്ടപ്പെട്ട ബാഴ്‌സയ്ക്ക് സ്പാനിഷ് കപ്പ് ആശ്വാസമായി. തന്റെ അവസാന മത്സരം പൂര്‍ത്തിയാക്കി ലൂയിസ് എന്റിക്വ ടീമിന്റെ പടിയിറങ്ങി. മെസ്സിയും നെയ്മറും അല്‍കെയ്‌സറും ബാഴ്‌സക്കായി ലക്ഷ്യം കണ്ടപ്പോള്‍ ഹെമാന്‍ഡസാണ് അലാവെസിന്റെ ഒറ്റ ഗോള്‍ നേടിയത്.