മെല്‍ബണ്‍: അന്താരാഷ്ട്ര സൗഹൃദ ഫുട്‌ബോളില്‍ ലാറ്റിനമരേക്കന്‍ ശക്തികള്‍ നേര്‍ക്കുനേര്‍ വന്ന സൂപ്പര്‍ ക്ലാസിക്കോയില്‍ എതിരില്ലാത്ത ഒരു ഗോളിന് അര്‍ജന്റീന ബ്രസീലിനെ തോല്‍പ്പിച്ചു. ആദ്യ പകുതിയില്‍ ഗബ്രിയേല്‍ മെര്‍ക്കാഡോ നേടിയ ഗോളാണ് അര്‍ജന്റീനയ്ക്ക് ജയമൊരുക്കിയത്.
നെയ്മറില്ലാതെ ഇറങ്ങിയ ബ്രസീലിനെതിരേ പുതിയ പരിശീലകനായി ചുമതലയേറ്റ സാംപോളി ശക്തമായ ടീമിനെ തന്നെയാണ് ആദ്യ പതിനൊന്നില്‍ ഇറക്കിയത്. ലയണല്‍ മെസ്സി, പോളോ ഡിബാല, ഏഞ്ചല്‍ ഡി മരിയ, ഗോണ്‍സാലോ ഹിഗ്വെയ്ന്‍ എന്നീ പ്രമുഖ താരങ്ങളെയാണ് സാംപോളി വിന്യസിച്ചത്.
ഗബ്രിയേല്‍ ജീസസ്, വില്ല്യന്‍, കുട്ടീഞ്ഞോ എന്നിവര്‍ക്കായിരുന്നു ബ്രസീലിന്റെ മുന്നേറ്റ ചുമതല. ഒറ്റമന്‍ഡി നയിച്ച അര്‍ജന്റീന പ്രതിരോധത്തെ ഈ മൂവര്‍ സംഘം നിരവധി തവണ പരീക്ഷിച്ചു. ഗോളിലേക്കെത്തിയ അവസരങ്ങള്‍ പാഴാക്കുന്നതില്‍ ബ്രസീല്‍ മികച്ചു നിന്നപ്പോള്‍ തുടര്‍ച്ചയായി പത്താം ജയം എന്ന പരിശീലകന്‍ ദുംഗെയുടെ ലക്ഷ്യം പൂവണിഞ്ഞില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
