മേടം (അശ്വതി, ഭരണി, കാർത്തിക ¼)

പുണ്യക്ഷേത്രങ്ങൾ സന്ദർശിക്കാൻ അവസരം ലഭിക്കും. നേരത്തെ അനുഭവപ്പെട്ടിരുന്ന ബുദ്ധിമുട്ടുകൾക്ക് ആശ്വാസം ലഭിക്കും. ഉദ്യോഗാർഥികളുടെ ശുപാർശകൾ പരിഗണിക്കപ്പെടും.

ഇടവം (കാർത്തിക ¾, രോഹിണി, മകയിരം ½)

ക്ഷേത്രദർശനത്തിനായി സമയം കണ്ടെത്തും. ഉന്നത സ്ഥാനത്തുള്ളവരുമായി അടുത്ത് ഇടപഴകാൻ അവസരം ലഭിക്കും. ദൂരയാത്രയ്ക്ക് സാധ്യതയുണ്ട്. ഭൂമിയിൽ നിന്നുള്ളതായം വർദ്ധിക്കും.

മിഥുനം (മകയിരം ½, തിരുവാതിര, പുണർതം ¾)

സർക്കാരിൽനിന്ന് ലഭിക്കാനുള്ള ആനുകൂല്യം കൈവരിക്കും. വീട്ടിലും ഔദ്യോഗിക രംഗത്തും മികച്ച പ്രകടനം കാഴ്ചവയ്ക്കും. അനാവശ്യ തർക്കങ്ങളും കലഹങ്ങളും ഒഴിവാക്കുക.

കർക്കടകം (പുണർതം ¼, പൂയം, ആയില്യം)

ആഗ്രഹിച്ചിരുന്ന കാര്യങ്ങൾ സഫലമാകും. ദേവാലയവുമായി ബന്ധപ്പെട്ട് പ്രവർത്തിക്കുന്നവർക്ക് സാമ്പത്തിക നേട്ടം പ്രതീക്ഷിക്കാം. യുവാക്കളുടെ വിവാഹം നിശ്ചയിക്കും. യാത്ര ഗുണകരമാകും.

ചിങ്ങം (മകം, പൂരം, ഉത്രം ¼)

ടെസ്റ്റിലും ഇന്റർവ്യൂവിലും പങ്കെടുക്കുന്നവർ കൂടുതൽ പരിശ്രമിക്കേണ്ടിവരും. അനാവശ്യമായ ചിന്തകൾ മനസ്സിനെ അലട്ടാൻ അനുവദിക്കരുത്.പല ആഗ്രഹങ്ങളും നടക്കാൻ കാലതാമസം വരും.

കന്നി (ഉത്രം ¾, അത്തം, ചിത്തിര ½)

വിശേഷ വസ്ത്രങ്ങളും ആഭരണങ്ങളും സമ്മാനമായി ലഭിക്കാൻ സാധ്യതയുണ്ട്. കാര്യങ്ങളിൽ പൊതുവെ വിജയമുണ്ടാകും. പ്രതീക്ഷിക്കുന്നത് പോലെ നേട്ടങ്ങൾ ഉണ്ടാകുന്ന സമയമാണ്.

തുലാം (ചിത്തിര ½, ചോതി, വിശാഖം ¼)

ഉദ്യോഗാർഥികൾക്ക് ടെസ്റ്റുകളിലും ഇന്റർവ്യൂവി ലും പ്രതീക്ഷിച്ചതിലധികം പ്രയാസം നേരിടേണ്ടി വരും. ചെലവുകൾ വരുമാനത്തേക്കാൾ വർധിക്കാനിടയുണ്ട്. വീട്ടിൽ സന്തോഷം നിലനിൽക്കും.

വൃശ്ചികം (വിശാഖം ¾, അനിഴം, തൃക്കേട്ട)

ജീവിതപങ്കാളിക്ക് ഔദ്യോഗികരംഗത്ത് സ്ഥാനക്കയറ്റം ലഭിക്കാൻ സാധ്യതയുണ്ട്. പലവഴികളിലൂടെ സാമ്പത്തിക നേട്ടം വന്നുചേരും. പുതിയ പ്രവർത്തനങ്ങളുമായി മുന്നോട്ടു പോകും.

ധനു (മൂലം, പൂരാടം, ഉത്രാടം ¼)

സന്താനങ്ങളുടെ വിവാഹകാര്യത്തിൽ തീരുമാനമുണ്ടാകും. വാഹനവുമായി ബന്ധപ്പെട്ട ചെലവുകൾ വർധിക്കാനിടയുണ്ട്. സാമ്പത്തിക കാര്യങ്ങളി ൽ കൂടുതൽ ശ്രദ്ധിക്കുക. യാത്ര ഗുണകരമാകും.

മകരം (ഉത്രാടം ¾, തിരുവോണം, അവിട്ടം ½)

ചില കാര്യങ്ങളിൽ അവസാനം താൽപര്യക്കുറവ് അനുഭവപ്പെടും. ചെയ്യുന്ന ജോലിക്ക് അർഹമായ പ്രതിഫലം ലഭിക്കുന്നതിൽ തടസ്സമുണ്ടാകാം. പുതിയ സംരംഭങ്ങൾ തുടങ്ങാൻ സാധിക്കും.

കുംഭം (അവിട്ടം ½, ചതയം, പൂരുരുട്ടാതി ¾)

പുതിയ ഗൃഹത്തിലേക്ക് മാറിത്താമസിക്കാൻ ആഗ്രഹിക്കുന്നവർക്ക് അനുകൂല സമയമാണ്. പ്രാർത്ഥനകളും വഴിപാടുകളും മുടങ്ങാതെ നടത്താൻ ശ്രദ്ധിക്കുക. ധനക്ലേശം ഉണ്ടാകും.

മീനം (പൂരുരുട്ടാതി ¼, ഉത്രട്ടാതി, രേവതി)

സന്താനങ്ങളുടെ കാര്യങ്ങൾക്കായി പണം ചെല വഴിക്കേണ്ടിവരും. ക്ഷമയും സഹനവും പുലർത്തുന്നതിലൂടെ വിവാദങ്ങളിൽനിന്ന് ഒഴിഞ്ഞുനിൽക്കാം. പുതിയ ചുമതലകൾ ഏറ്റെടുക്കും.