മേടക്കൂറ് (അശ്വതി, ഭരണി, കാർത്തിക 1/4)

ദാമ്പത്യജീവിതത്തിലെ അസ്വാരസ്യങ്ങൾ മാറി പരസ്പര ധാരണയും അടുപ്പവും വർധിക്കും. തൊഴിൽ രംഗത്ത് പുതിയ ഉത്തരവാദിത്വം ലഭിക്കും. വിദേശത്തു നിന്നുള്ള വാർത്ത സന്തോഷം പകരും.

ഇടവക്കൂറ് (കാർത്തിക 3/4, രോഹിണി, മകയിരം 1/2)

ഏറെക്കാലമായി ആഗ്രഹിച്ചിരുന്ന വാഹനം സ്വന്തമാക്കാനുള്ളസാഹചര്യമുണ്ടാകും. കുടുംബാംഗങ്ങളുമായി നില നിന്നിരുന്ന അഭിപ്രായവ്യത്യാസങ്ങൾ പരിഹരിക്കും. ആരോഗ്യം കൂടുതൽ ശ്രദ്ധിക്കുക.

മിഥുനക്കൂറ് (മകയിരം 1/2, തിരുവാതിര, പുണർതം 3/4)

വിദേശ പഠനത്തിനോ ജോലിക്കോ ശ്രമിക്കുന്നവർക്ക് അനുകൂലമായ വിവരം ലഭിക്കും. മക്കളുടെ നേട്ടം അഭിമാനത്തിന് കാരണമാകും. യാത്രകൾ ഗുണകരമാകും. സാമ്പത്തിക ഞെരുക്കം ഉണ്ടാകും.

കർക്കടകക്കൂറ് (പുണർതം 1/4, പൂയം, ആയില്യം)

പുതിയ വീടുമായി ബന്ധപ്പെട്ട കാര്യങ്ങളിൽ പുരോഗതിയുണ്ടാകും. കുടുംബത്തിൽ വിവാഹാലോചനകൾ സജീവമാകും. സാമ്പത്തിക ബാധ്യതകൾ കുറയ്ക്കാൻ സാധിക്കും.

ചിങ്ങക്കൂറ് (മകം, പൂരം, ഉത്രം 1/4)

വിവാഹത്തിലേക്കുള്ള നിർണായക ചർച്ചകൾക്ക് നടക്കും. കലാരംഗത്തുള്ളവർക്ക് അംഗീകാരം ലഭിക്കും. സഹോദരങ്ങളുമായി ബന്ധപ്പെട്ട ഒരു പ്രശ്നത്തിന് പരിഹാരമുണ്ടാകും.

കന്നിക്കൂറ് (ഉത്രം 3/4, അത്തം, ചിത്തിര 1/2)

സ്ഥലംമാറ്റത്തിനോ പുതിയ നിയമനത്തിനോ കാത്തിരിക്കുന്നവർക്ക് അനുകൂലമായ അറിയിപ്പ് ലഭിക്കാം. കടം നൽകിയ പണം തിരികെ ലഭിക്കാൻ സാധ്യതയുണ്ട്. തീർത്ഥയാത്ര നടത്തും.

തുലാക്കൂറ് (ചിത്തിര 1/2, ചോതി, വിശാഖം 1/4)

തൊഴിൽപരമായ ആവശ്യങ്ങൾക്ക് ദൂരയാത്ര ചെയ്യേണ്ടിവരും. അഭിമുഖങ്ങളിൽ പങ്കെടുക്കുന്നവർക്ക് അനുകൂലമായ അനുഭവമുണ്ടാകും. ദാമ്പത്യജീവതം സന്തോഷകരമാകും.

വൃശ്ചികക്കൂറ് (വിശാഖം 3/4, അനിഴം, തൃക്കേട്ട)

മുടങ്ങിക്കിടന്ന നിർമ്മാണപ്രവർത്തനങ്ങൾ പുനരാരംഭിക്കാൻ കഴിയും. വ്യാപാരത്തിൽ പ്രതീക്ഷിച്ചിരുന്ന ഓർഡറുകൾ ലഭിക്കും. അനാവശ്യ ചെലവുകൾ നിയന്ത്രിക്കണം.

ധനുക്കൂറ് (മൂലം, പൂരാടം, ഉത്രാടം 1/4)

ഉദ്യോഗത്തിൽ സ്ഥാനക്കയറ്റത്തിനുള്ള സാധ്യത തെളിയും. മക്കളുടെ വിദ്യാഭ്യാസവുമായി ബന്ധപ്പെട്ട പ്രധാന തീരുമാനങ്ങൾ എടുക്കും. പുതിയ സൗഹൃദങ്ങൾ ഗുണകരമായിത്തീരും.

മകരക്കൂറ് (ഉത്രാടം 3/4, തിരുവോണം, അവിട്ടം 1/2)

വിദേശയാത്രയ്ക്കുള്ള തടസ്സങ്ങൾ മാറുകയും രേഖകൾ സംബന്ധിച്ച നടപടികൾ പൂർത്തിയാവുകയും ചെയ്യും. കുടുംബത്തിൽ മംഗള കർമങ്ങൾക്കുള്ള ഒരുക്കങ്ങൾ ആരംഭിക്കും.

കുംഭക്കൂറ് (അവിട്ടം 1/2, ചതയം, പൂരുരുട്ടാതി 3/4)

ബിസിനസ്സിൽ പുതിയ വിപണനസാധ്യതകൾ തുറക്കും. പഴയ കേസുകളിലോ തർക്കങ്ങളിലോ അനുകൂലമായ പുരോഗതിയുണ്ടാകും. പങ്കാളിയുടെ പിന്തുണ തീരുമാനങ്ങൾക്ക് കരുത്താകും.

മീനക്കൂറ് (പൂരുരുട്ടാതി 1/4, ഉത്രട്ടാതി, രേവതി)

ഉദ്യോഗാർത്ഥികൾക്ക് പ്രതീക്ഷിച്ചിരുന്ന നിയമന ഉത്തരവ് ലഭിക്കാൻ സാധ്യതയുണ്ട്. കുടുംബത്തിൽ സന്താനങ്ങളുമായി ബന്ധപ്പെട്ട സന്തോഷകരമായ അനുഭവമുണ്ടാകും.