ജനുവരി 26 റിപ്പബ്ലിക് ദിനമാണ്. ജനുവരി 28ന് ചൊവ്വയുടെ ഉച്ചരാശിയായ മകരത്തിലെ കാര്ത്തിക നക്ഷത്രമായതുകൊണ്ട് വാക പിഷാരിക്കല് കാര്ത്ത്യായനി ക്ഷേത്രം, ആളൂര് ദുര്ഗ്ഗാ ക്ഷേത്രം മുതലായ ദേവീ ക്ഷേത്രങ്ങളില് ഉത്സവ ദിനമാണ്. ജനുവരി 29 ഗുരുവായൂര് ധ്വജപ്രതിഷ്ഠാദിനമാണ്. ഫെബ്രുവരി 1 തൈപ്പൂയം ആണ്. മാഘ പൂര്ണ്ണിമയും കൂടിയാണിത്.
ചൊവ്വയ്ക്കും ബുധനും ശുക്രനും ഈ ആഴ്ചയും മൗഢ്യമുണ്ട്. വ്യാഴത്തിന് വക്രവും. ബുധ ശുക്രയോഗങ്ങള് ന്യൂനമര്ദ്ദങ്ങളുടെ സാധ്യത കാണിക്കുന്നതാണെങ്കിലും ബുധ ശുക്രമൗഢ്യം തുടരുന്നത് മഴ പെയ്യാനുള്ള സാധ്യത കുറയ്ക്കുന്ന ലക്ഷണമാണ്.
ജനുവരി 24 ന് രാവിലെ 10:51 മുതല് തിരുവോണം ഞാറ്റുവേലയായി. വിവിധങ്ങളായ വേനല്ക്കാല പച്ചക്കറി കൃഷിക്ക് അനുയോജ്യ സമയമിതാണ്.
ഈ നക്ഷത്രങ്ങളില് ജനിച്ചവര്ക്ക് ഈയാഴ്ച ഗുണദോഷസമ്മിശ്ര സമയമാണിത്. ജോലി സംബന്ധമായ കാര്യങ്ങള്ക്കും വിവാഹാദികള്ക്കും ഗുണപ്രദമായ സമയമാണ്. എന്നാല് അലസത, അനാവശ്യ ചെലവുകള്, തസ്കര ശല്യം എന്നിവയ്ക്ക് സാധ്യതയുണ്ട്.
ഈ നക്ഷത്രക്കാര്ക്ക് ഈ സമയം പ്രായേണ ഗുണകരമാണ്. കര്മ്മ കുശലത, പ്രശസ്തി, കലാസാഹിത്യാദികളില് ഉയര്ച്ച, ധനാഗമനം, ഭൂസ്വത്ത് ഭാഗം വെയ്ക്കാനിടവരിക, ഭവന മാറ്റം എന്നിവയ്ക്കെല്ലാം യോഗമുണ്ട്.
ഈ നക്ഷത്രത്തില് ജനിച്ചവര്ക്ക് ഗുണദോഷമിശ്രമായ സമയമാണിത്. കാര്യങ്ങള്ക്ക് കാലതാമസമുണ്ടാവുമെങ്കിലും പ്രശസ്തി, സമ്പദ് സമൃദ്ധി, അധികാര പ്രാപ്തി, ഭാഗ്യം മുതലായവയ്ക്കും യോഗമുണ്ട്. ജലാശയ നിര്മ്മാണം, മാലിന്യ പരിപാലനം എന്നിവയില് പ്രവര്ത്തിക്കുന്നവര്ക്കും ഗുണാനുഭവങ്ങള്ക്ക് യോഗമുണ്ട്.
ഈ നക്ഷത്രക്കാര്ക്ക് പൊതുവെ ഗുണദോഷമിശ്രമായ സമയമാണ്. പൊതുപ്രവര്ത്തന രംഗത്ത് വിരാജിക്കുന്നവര്ക്ക് പലതരത്തില് ഗുണാനുഭവമുണ്ടാകുമെങ്കിലും ദാനധര്മ്മാദികള്ക്കും ജന സേവനങ്ങള്ക്കും ധനം ചെലവു ചെയ്യേണ്ടി വരും. സമൂഹത്തിന്റെ വിവിധ പ്രശ്നങ്ങളില് ഇടപെടാനും പ്രശ്നങ്ങള് പരിഹരിക്കാനും അവസരത്തിനും കലാ സാഹിത്യ വിഷയങ്ങളില് പങ്കെടുക്കാനും അവസരമുണ്ടാവും.
ഇവര്ക്ക് പൊതുവെ ഈശ്വരാധീനമുള്ള സമയമാണിത്. സ്ഥാനമാനങ്ങള്, പ്രശസ്തി, ഗവേഷണ പ്രവര്ത്തകര്ക്ക് ഗുണാനുഭവങ്ങള് എന്നിവയ്ക്ക് സാധ്യതയുണ്ട്. വീഴ്ച, മുറിവേല്ക്കാനിട വരിക, തീപ്പൊള്ളലേല്ക്കാന് സാധ്യത എന്നിവ കാണുകയാല് ശ്രദ്ധിയ്ക്കണം.
ഈ നക്ഷത്രക്കാര്ക്ക് ഈയാഴ്ച പൊതുവെ ഗുണപ്രദമായ സമയമാണ്. അധികാര പ്രാപ്തി, വിവാഹാദി മംഗളകര്മ്മങ്ങളില് നേതൃത്വം, പ്രശസ്തി എന്നിവയ്ക്കും ക്രയവിക്രയങ്ങളില് ലാഭത്തിനും യോഗം കാണുന്നുണ്ട്.
ഈ നക്ഷത്രത്തില് പെട്ടവര്ക്ക് ഈ സമയം താരതമ്യേന ഗുണകരമാണ്. വിദ്യാര്ത്ഥികള്ക്കും അധ്യാപകര്ക്കും, ഗവേഷകര്ക്കും വളരെ നല്ല സമയമാണ്. സൗഭാഗ്യം, അധികാര ലബ്ധി വിദ്യാഗുണം, വിദേശവാസം എന്നിവയ്ക്കും സാധ്യതയുള്ള സമയമാണ്. കലഹ സാധ്യതകള് തന്ത്രപൂര്വം ഒഴിവാക്കാന് ശ്രമിക്കേണ്ടതാണ്.
ഈ നക്ഷത്രക്കാര്ക്ക് ഇക്കാലം ഗുണകരമല്ല. അകാരണഭയം, മാനനഷ്ടങ്ങള് , ക്രയവിക്രയങ്ങളില് നഷ്ടം, അലസത എന്നിവയ്ക്ക് സാധ്യതയുണ്ട്. അനാവശ്യമായ കാര്യങ്ങളില് ഇടപെടാതിരിയ്ക്കാന് പ്രത്യേകം ശ്രദ്ധിയ്ക്കണം.
ഈ നക്ഷത്രത്തില് ജനിച്ചവര്ക്ക് നല്ല ഈശ്വരാധീനമുള്ള സമയമാണ് ഇത്. സംഗീത സാഹിത്യ കലാ സിനിമ രാഷ്ട്രീയ പ്രവര്ത്തനങ്ങളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ് . കഠിനാധ്വാനത്തിനനുസൃതമായ ഗുണഫലം ലഭിക്കുന്ന കാലമാണിത്. ഗണിത ശാസ്ത്രരംഗത്തുള്ളവര്ക്ക് ശോഭിയ്ക്കാനവസരമുള്ള സമയമാണ്.
ഈ നക്ഷത്രക്കാര്ക്ക് പൊതുവെ ഗുണദോഷസമ്മിശ്ര കാലമാണ്. കഴിവു തെളിയിക്കാന് പറ്റുന്ന അവസരങ്ങള് കണ്ടെത്തിയാല് ശോഭിക്കാവുന്ന സമയമാണ്, തോട്ടങ്ങളില് നിന്നും ക്രയവിക്രയങ്ങളിലൂടെയും ധനലാഭം, സഹായികളുടെ വര്ദ്ധന എന്നിവയ്ക്കും യോഗമുണ്ട്.
ഈ നക്ഷത്രക്കാര്ക്ക് ഇത് ഗുണദോഷമിശ്രമായ സമയമാണ്. അവിചാരിതമായ ചെലവുകള്, തീപ്പൊള്ളലേല്ക്കാനിട വരിക, കലഹ സാധ്യതകള് , അകാരണ കോപം എന്നിവയ്ക്കെല്ലാം യോഗമുണ്ട്. ഉദ്ദിഷ്ട കാര്യസിദ്ധിയ്ക്കും വേദാന്താദി ശാസ്ത്രങ്ങളില് താല്പര്യത്തിനും കൂടി യോഗമുണ്ട്.
ഇവര്ക്ക് ഈ സമയം ഗുണകരമാണ്. ഉദ്ദിഷ്ട കാര്യസിദ്ധി, രാജ്യഭരണ കര്ത്താക്കളുടെ ആദരം, വസ്ത്രാഭരണ ലബ്ധി, കുടുംബൈശ്വര്യം, നൂതന ഗൃഹനിര്മ്മാണം, ഉന്നത സ്ഥാനമാന പ്രാപ്തി, ദേശ പുരോഗതിയ്ക്കായുള്ള പ്രവര്ത്തനങ്ങള്ക്ക് നേതൃത്വം വഹിക്കേണ്ടി വരിക എന്നിവയ്ക്കും യോഗമുണ്ട്. ത്വഗ് രോഗ സാധ്യതകള്, പാദരോഗ സാധ്യതകള്, രക്ത ദൂഷ്യം എന്നിവയ്ക്കും യോഗമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates