ന്യൂഡല്‍ഹി: കെടിഎം ഡ്യൂക്കിന്റെ ഏറ്റവും പുതിയ മോഡല്‍ 200 ഡ്യൂക്ക് ഇന്ത്യന്‍ വിപണിയിലിറക്കി. ഡല്‍ഹിയില്‍ 2.07 ലക്ഷം രൂപയാണ് എക്സ്-ഷോറൂം വില. രാജ്യത്തെ വ്യത്യസ്ത നഗരങ്ങളില്‍ വിലയില്‍ ചെറിയ മാറ്റമുണ്ടാകും. പുതിയ റൈഡ്-ബൈ-വയര്‍ ത്രോട്ടില്‍, ക്വിക്ഷിഫ്റ്റര്‍, ട്രാക്ഷന്‍ കണ്‍ട്രോള്‍, ക്രോള്‍ അസിസ്റ്റ് എന്നിങ്ങനെ പുതിയ ഫീച്ചറുകളും ഇതിലുണ്ട്. മുന്‍ മോഡലിനെ അപേക്ഷിച്ച് പുതുക്കിയ പതിപ്പിന് ഏകദേശം 1,552 രൂപ കൂടുതലാണ്. പുതിയ കളര്‍ ഓപ്ഷനുകള്‍, അത്യാധുനിക ഫീച്ചറുകള്‍, മെച്ചപ്പെടുത്തിയ ഹാര്‍ഡ്വെയര്‍, പുതിയ ഡിസ്പ്ലേ എന്നീ മാറ്റങ്ങള്‍ പുതിയ 200 ഡ്യൂക്കില്‍ കാണാം.
200സിസി വിഭാഗത്തില്‍ ഏറ്റവും മികച്ച 'പവര്‍-ടു-വെയ്റ്റ്' അനുപാതമുള്ള ഈ ബൈക്കില്‍, 24.7 ബിഎച്ച്പി പവര്‍ നല്‍കുന്ന അതേ എന്‍ജിന്‍ തന്നെയാണ് ഉപയോഗിച്ചിരിക്കുന്നത്. വാഹനത്തില്‍ 'റൈഡ്-ബൈ-വയര്‍' ത്രോട്ടില്‍, ബൈ-ഡയറക്ഷണല്‍ 'ക്വിക്ക്-ഷിഫ്റ്റര്‍' 'ട്രാക്ഷന്‍ കണ്‍ട്രോള്‍', 'റൈഡ് മോഡുകള്‍' തുടങ്ങിയ അത്യാധുനിക ഫീച്ചറുകള്‍ സ്റ്റാന്‍ഡേര്‍ഡായി നല്‍കിയിട്ടുണ്ട്.
റൈഡ്-ബൈ-വയര്‍ സാങ്കേതികവിദ്യ ഇലക്ട്രോണിക് ത്രോട്ടില്‍ നിയന്ത്രണം ഉറപ്പാക്കുന്നു. ഇതിലൂടെ 'സ്ട്രീറ്റ്', 'റെയിന്‍' എന്നിങ്ങനെ രണ്ട് റൈഡ് മോഡുകള്‍ ലഭിക്കുന്നു. യാത്രാ സാഹചര്യങ്ങള്‍ക്കനുസരിച്ച് പവര്‍ ഡെലിവറി ക്രമീകരിക്കാനും, ട്രാക്ഷന്‍ കണ്‍ട്രോള്‍ വഴി പിന്‍ചക്രത്തിന്റെ ഗ്രിപ്പ് നിയന്ത്രിക്കാനും റൈഡര്‍ക്ക് സാധിക്കും. ക്ലച്ച് ഉപയോഗിക്കാതെ തന്നെ ഗിയറുകള്‍ മാറ്റാന്‍ (അപ്ഷിഫ്റ്റിങ്ങിനും ഡൗണ്‍ഷിഫ്റ്റിങ്ങിനും) 'ബൈ-ഡയറക്ഷണല്‍ ക്വിക്ക്-ഷിഫ്റ്റര്‍' സഹായിക്കുന്നു.കുറഞ്ഞ വേഗതയില്‍ ബൈക്ക് ഓഫായിപ്പോകുന്നത് തടയാന്‍ സഹായിക്കുന്ന സംവിധാനമാണിത് ഇത് നഗരങ്ങളിലെ യാത്രകള്‍ കൂടുതല്‍ എളുപ്പമാക്കും.
ബൈക്കിന്റെ ഘടനാപരമായ ഭാഗങ്ങളിലും മാറ്റങ്ങള്‍ വരുത്തിയിട്ടുണ്ട്. ഇപ്പോള്‍ ഇതില്‍ 43ാാ ഇന്‍വെര്‍ട്ടഡ് ഫോര്‍ക്കുകളും, വീതികൂടിയ 150-സെക്ഷന്‍ പിന്‍ ടയറുകളുമാണുള്ളത്. നേരത്തെ 37mm WP അപെക്‌സ് (ണജ അുലഃ) ഫോര്‍ക്കുകളും 140-സെക്ഷന്‍ ടയറുകളുമായിരുന്നു ഉണ്ടായിരുന്നത്; അത് ഒരു തരത്തില്‍ നിലവാരം കുറഞ്ഞതുപോലെ (റീംിഴൃമറല) തോന്നിപ്പിച്ചിരുന്നു. അതിനാല്‍, ഇപ്പോഴത്തെ ഈ മാറ്റം സ്വാഗതാര്‍ഹമാണ്. ഫീച്ചറുകളിലെയും ഘടനയിലെയും മാറ്റങ്ങള്‍ക്ക് പുറമെ, 'ലിക്വിഡ്-കാര്‍ബണ്‍' പൂര്‍ണ്ണമായും കറുത്ത നിറം എന്നിങ്ങനെ രണ്ട് പുതിയ കളര്‍ ഓപ്ഷനുകളും ഇതില്‍ ലഭ്യമാണ്. ബൈക്കിന്റെ മെക്കാനിക്കല്‍ വശങ്ങളില്‍ മാറ്റങ്ങളൊന്നുമില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates