കൊച്ചി: തുടര്‍ച്ചയായ വര്‍ധനയ്ക്ക് പിന്നാലെ സ്വര്‍ണവില താഴ്ന്നു. പവന് 160 രൂപ കുറഞ്ഞ് 24000 രൂപയായി. ഗ്രാമിന് 20 രൂപ കുറഞ്ഞ് 3000 രൂപയായി സ്വര്‍ണവില. 

വ്യാഴാഴ്ച സ്വര്‍ണവില ഈ മാസത്തെ ഏറ്റവും ഉയര്‍ന്നനിലവാരത്തില്‍ എത്തിയിരുന്നു. 24,200 രൂപയായി ഉയര്‍ന്നാണ് ഈ മാസത്തെ ഏറ്റവും ഉയര്‍ന്ന നിലവാരം രേഖപ്പെടുത്തിയത്. പിന്നീട് തുടര്‍ച്ചയായ രണ്ടുദിവസങ്ങളില്‍ താഴ്ന്നു നിന്ന സ്വര്‍ണവില ഇന്നലെ വീണ്ടും 120 ഉയര്‍ന്ന് 24160 രൂപയായി വര്‍ധിച്ചിരുന്നു. ഇതാണ് ഇന്ന് കുറഞ്ഞത്. 

ഈ മാസത്തിന്റെ തുടക്കത്തില്‍ 23640 രൂപയായിരുന്നു ഒരു പവന്‍ സ്വര്‍ണത്തിന് ഈടാക്കിയിരുന്ന വില. ഇത് ഒരു ഘട്ടത്തില്‍ 23560 രൂപയായി താഴ്ന്നുവെങ്കിലും പിന്നിട് 24000 രൂപ കടന്ന് മുന്നേറുന്നതാണ് കണ്ടത്.