ടേസ്റ്റ് അറ്റ്ലസ് പുറത്തിറക്കിയ ലോകത്തിലെ ഏറ്റവും മികച്ച ഡെസേർട്ടുകൾ കിട്ടന്ന സ്ഥലങ്ങളുടെ പട്ടികയിൽ ഇന്ത്യയിലെ 10 സ്പോട്ടകളും. 2023-2024ലെ പട്ടികയാണ് പുറത്തിറക്കിയത്. പൂണെയിലെ കയാനി ബേക്കറി 18-ാം സ്ഥാനത്തും, കൊൽക്കത്തയിലെ കെസി ദാസ് 25 ഉം, ഫ്ലൂറിസ് 26ഉം ബി ആൻഡ് ആർ മുള്ളിക്ക് 37-ാം സ്ഥാനത്തും എത്തി. ഹൈദരാബാദിലെ കറാച്ചി ബേക്കറി 29-ാം സ്ഥാനത്തുണ്ട്. മുംബൈയിലെ കെ രുസ്തം ആൻഡ് കോ 49-ാം സ്ഥാനം. ഇവയാണ് പട്ടികയിൽ മികച്ച 50ൽ ഇടം പിടിച്ചത്.

ഡൽഹിയിലെ കുരേമൽസ് കുൽഫി 67-ാം സ്ഥാനവും ലഖ്‌നൗവിലെ പ്രകാശ് കുൽഫി 77-ാം സ്ഥാനവും പൂണെയിലെ ചിതാലെ ബന്ധു 85-ാം സ്ഥാനവും ന്യൂഡൽഹിയിലെ ജലേബി വാല 93-ാം സ്ഥാനവും നേടി. സ്ഥാപനങ്ങളുടെ പേരിന് അവരുടെ ഏറ്റവും മികച്ച വിഭവങ്ങളും ചേർത്താണ് ടേസ്റ്റ് അറ്റ്ലസ് പട്ടികയിറക്കിയിരിക്കുന്നത്.

ലിസ്ബൺ, ഇസ്തംബൂൾ, വിയന്ന എന്നിവിടങ്ങളിലെ സ്ഥാപനങ്ങളാണ് ഈ പട്ടികയിൽ ഒന്നാമത്. പരമ്പരാഗത ഭക്ഷണത്തിനായുള്ള യാത്രാ ഓൺലൈൻ ഗൈഡാണ് ടേസ്റ്റ് അറ്റ്ലസ്. ആധികാരികമായ പാചകക്കുറിപ്പുകൾ, ഭക്ഷ്യ നിരൂപക അവലോകനങ്ങൾ, ജനപ്രിയ ചേരുവകളെയും വിഭവങ്ങളെയും കുറിച്ചുള്ള ഗവേഷണ ലേഖനങ്ങൾ എന്നിവ ടേസ്റ്റ് അറ്റ്ലസ് വെബ് സൈറ്റിൽ പ്രസിദ്ധീകരിക്കുന്നു.

ഈ വാര്‍ത്ത കൂടി വായിക്കൂ

ഊന്നു വടി കൊണ്ട് ഇങ്ങനെയും പ്രയോജനമുണ്ട്; കിടിലൻ ഡാൻസ്, അപ്പൂപ്പന്റെ 'എനർജിഡ്രിങ്ക്' അന്വേഷിച്ച് സോഷ്യൽമീഡിയ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ