ന്യൂഡല്ഹി: സമാര്ട്ട് ഫോണില് ആപ്പുകള് ഇന്സ്റ്റാള് ചെയ്യുമ്പോള് ജാഗ്രത പാലിക്കണമെന്ന മുന്നറിയിപ്പുമായി കേന്ദ്രം.സൈബര് തട്ടിപ്പിലേക്ക് നയിക്കാവുന്ന ചില ആപ്പുകള് സ്മാര്ട്ട് ഫോണില് ഇന്സ്റ്റാള് ചെയ്യരുതെന്ന മുന്നറിയിപ്പാണ് ഇന്ത്യന് സൈബര് ക്രൈം കോര്ഡിനേഷന് സെന്റര് നല്കിയിരിക്കുന്നത്.
ഉപയോക്താക്കള് സ്മാര്ട്ട്ഫോണുകളില് നിന്ന് ചില ആപ്ലിക്കേഷനുകള് ഡിലീറ്റ് ചെയ്യണമെന്നും ഇത്തരം ആപ്പുകള് റീ ഇന്സ്റ്റാള് ചെയ്യരുതെന്നുമാണ് നിര്ദേശം. ഡിവൈസിലെ വിവരങ്ങള് മുഴുവനായി പകര്ത്തുന്ന സ്ക്രീന് ഷെയറിങ് ആപ്പുകള് ഫോണുകളില് ഡൗണ്ലോഡ് ചെയ്യുരുതെന്നാണ് നിര്ദേശം. സ്മാര്ട്ട്ഫോണുകളില് ഇത്തരം ആപ്പുകള് ഉടനടി നീക്കം ചെയ്യണം, അശ്രദ്ധമായി അവ ഇന്സ്റ്റാള് ചെയ്യരുത്, ഇത്തരം ആപ്പുകള് ഉപയോഗിക്കുന്നതിലൂടെ സൈബര് കുറ്റവാളികള്ക്ക് ഡിവൈസുകളിലേക്ക് എളുപ്പത്തില് ആക്സസ് ലഭിക്കുമെന്നും മുന്നറിയിപ്പില് പറയുന്നു.
ആപ്പുകള് ഇന്സ്റ്റാള് ചെയ്യുന്നതിന് മുമ്പ് ഉപയോക്താക്കള്ക്ക് വിവിധ പ്രൈവസി പെര്മിഷനുകള് ലഭിക്കാറുണ്ട്. എന്നാല് ഇവ അശ്രദ്ധമായി കൈകാര്യം ചെയ്യുന്നത് സൈബര് തട്ടിപ്പുകളിലേക്ക് എത്തിക്കുമെന്നും മുന്നറിയിപ്പില് പറയുന്നു. ഉപയോക്തക്കളുടെ ഡിവൈസിലേക്ക് തട്ടിപ്പുകാര്ക്ക് ഇതിലൂടെ എളുപ്പത്തില് കടന്നുകയറാനാകുമെന്നും സാമ്പത്തിക ഇടപാടുകള് വരെ നിരീക്ഷിക്കാന് ഇടയാക്കുമെന്നും മുന്നറിയിപ്പില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates